Mutindu ya Kusadila Formilere Veuillez suivre l’intérêt (S-43)

Beno fwete fulusa formilere yai ntangu beno mekutana ti muntu mosi ya kemonisa mpusa, yina kezingaka ve na teritware na beno to yina ketubaka ndinga ya nzenza. Ata na bamvula ya meluta beto vandaka kusadila yo ntangu beto kekutana ti bantu yina ketubaka ndinga ya nzenza, yo vanda bo memonisa mpusa to ve, ntangu yai beto fwete sadila yo kaka ntangu muntu memonisa mpusa. Nsoba yai ketadila ve bantu yina kele ba-baba. Kana beno kutana ti muntu yina kele baba, ata yandi memonisa mpusa to ve, beno fwete fulusa formilere S-43.

Inki beto fwete sala ti formilere yai na nima ya kufulusa yo? Beno fwete pesa yo na sekretere ya dibundu. Kana yandi mezaba dibundu ya kutinda yo, yandi lenda tindila bankuluntu ya dibundu yango na mpila nde bo baka bangidika sambu na kusadisa muntu yina kumonisaka mpusa. Kana yandi kezaba ve dibundu ya kutinda yo, yandi tatinda yo na biro ya filiale.

Kana muntu yina kemonisa mpusa ketubaka ndinga ya nzenza mpi kezingaka na teritware na beno, beno lenda landa na kutalaka yandi sambu na kuyedisa mpusa yina tii ntangu nsamuni ya dibundu ya ndinga ya nzenza yina yandi ketubaka takwisa kutala yandi.​—Tala Kisalu na Beto ya Kimfumu ya Novembri 2009, lutiti 4.