“Pesa Periodike Mosi ya Ntama to Konso Kamukanda Yina Ketubila Bampusa ya Muwi”

Na bangonda yina beto kekabulaka mukanda Biblia Kelongaka mpi beto kelonguka Biblia ti muntu na mbala ya ntete ya beto mekutana ti yandi; bo kesyamisaka beto na ‘kupesa yandi periodike mosi ya ntama to konso kamukanda yina kewakana ti bampusa na yandi’ ata kana muntu yango kele dezia ti mukanda yai mpi kendima ve kulonguka Biblia. Sambu na nki?

Tumikanda mpi bazulunalu ya ntama ketubilaka mambu ya mutindu na mutindu yina bantu kekutanaka na yo. Mikanda yai lenda vanda na disolo mosi yina lenda simba ntima ya muwi. Yo yina, ntangu nge keyidika mikanda na sakosi na nge sambu na kubasika na kisalu ya kusamuna, tula mpi tumikanda mingi ya kuswaswana mpi bazulunalu ya ntama. Kana nge kele ve ti bazulunalu ya ntama, ziku nge lenda zwa mwa ndambu na bampangi yina ketalaka mambu ya bazulunalu ya dibundu. Ebuna, kana muwi na nge kele dezia ti mukanda Biblia Kelongaka mpi kendima ve kulonguka Biblia, nge lenda songa yandi mwa bazulunalu to tumikanda yina nge kele na yo mpi kulomba yandi na kupona yina kesepedisa yandi. Na nima, beno wakana sambu na kuvutukila yandi sambu na kuyedisa mpusa na yandi. Ziku, nsuka-nsuka yandi tandima kulonguka Biblia.