Yo Kele ya Nki Mutindu?

Yai kele ngyufula mosi ya mbote ya kudiyula na yina metala konso mukanda ya beto kezola kupesa muntu. Mikanda yonso ya kununa, yina mukubu mebebaka, ya mvindu to ya kubeba tabebisa lukumu ya organizasio na beto mpi yo lenda katula dikebi ya muwi na nsangu ya kitoko mpi ya kepesa luzingu, yina kele na mikanda yango.

Inki mutindu beto lenda tanina mbote mikanda na beto? Bampangi mingi kemonaka nde yo kele mbote na kubongisa sakosi na bo ya kisalu ya kusamuna na mpila nde mikanda ya mutindu mosi kuvanda kisika mosi. Mumbandu, bo keyidikaka kisika mosi sambu na mikanda, kisika yankaka sambu na bazulunalu ti tumikanda, mpi kisika yankaka sambu na batrakiti, mpi buna na buna. Konso ntangu yina bo kevutulaka Biblia mpi mikanda na bo na sakosi, bo kesalaka yo na dikebi yonso sambu na kubebisa ve mikanda. Bansamuni yankaka ketulaka mikanda na bo na ba-farde to na basashe ya bunkete. Ata beto kesadila konso kima yina sambu na kutula mikanda, beto kezolaka ve kupesa muntu mikanda ya kubeba yina lenda sala nde yandi vanda ti bikuma ya mbote ya kukanga bifu na kisalu na beto ya kusamuna.—2 Kor. 6:3.