Kabula Mikanda na Mayele

Yezu longaka nde: “Beno me baka ya ofele, beno pesa mpi ya ofele.” (Mat 10:8) Beto ke zitisaka nsiku yai ya pwelele mutindu beto ke pesaka bantu Biblia to mikanda na beto ya ofele. (2Bk 2:17) Ata mpidina, mikanda yai kele ti bakieleka ya mfunu mingi yina me katuka na Ndinga ya Nzambi. Yo ke lombaka bikesa mpi mbongo mingi sambu na kuniema mikanda mpi kutinda yo na mabundu ya ntoto ya mvimba. Yo yina, beto fwete baka kaka yina beto kele na yo mfunu.

Vanda mayele ntangu nge ke pesa bantu mikanda, ata ntangu nge ke ta kimbangi na bala-bala. (Mat 7:6) Na kisika ya kupesa muntu kaka mukanda, sala kikesa sambu na kusolula ti yandi mpi kuzaba kana yandi me sepela ti yo. Keti nge lenda vutula ee, ata na ngiufula mosi ya kele na lupangu yai na lweka? Kana nge kele ti badute sambu na muntu mosi, yo kele mbote na kupesa yandi kaka trakiti. Kansi kana yandi me lomba zulunalu mosi to mukanda ya nkaka, beto ta pesa yandi yo na kiese yonso.—Bing. 3:27, 28.