“Mono Ta Baka Mukanda na Nge Kana Nge Me Baka mpi ya Mono”

Bantu ya nkaka ke zabisaka beto mambu yai. Sambu beto ke ndimaka ve mikanda ya mabundu yina ke mwangaka malongi ya luvunu na ntwala ya kupesa bo mikanda na beto ya kulongukila Biblia, nki mutindu beto lenda pesa mvutu na mayele yonso? (Bar. 1:25) Beto lenda tuba nde: “Matondo sambu na mukanda na nge. Yo ke tuba nki na yina me tala kumanisa makambu ya bantu? [Bika muntu yango kupesa mvutu. Kana yandi me lomba nge na kutanga mukanda na yandi sambu na kuzwa mvutu, nge lenda yibusa yandi nde nge pesaka yandi ve mukanda kukonda kuzabisa yandi mambu yina kele na kati. Na nima, tanga to vutukila bangindu yina kele na Matayo 6:9, 10.] Yezu monisaka nde Kimfumu ya Nzambi ta lungisa luzolo na yandi na ntoto. Yo yina, mukanda mosi kaka ya mu me tanga ke benda dikebi na Kimfumu ya Nzambi. Keti mu le songa nge na Biblia mambu ya nkaka ya siki-siki yina Kimfumu ya Nzambi ta sala?”