Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Februari

“Keti nge keyindula nde Nzambi kevandaka ti organizasio mosi bubu yai, to keti nge keyindula nde yandi kesalaka mambu kaka ti muntu mosi mosi? [Bika muntu yango kupesa mvutu.] Tala mambu yina zulunalu yai ketuba sambu na organizasio yina Nzambi ketwadisaka banda bamvula mingi meluta.” Kangula Nzozulu ya Nkengi ya Februari 1 na lutiti 16, mpi beno tadila malongi yina kele na nsi ya kantu-dyambu ya ntete mpi beno tanga ata verse mosi ya bo mevutukila ve bangogo na yo. Pesa muwi zulunalu, mpi baka bangidika sambu na kuvutukila yandi mpi kutadila ngyufula ya kelanda.

Nzozulu ya Nkengi Marsi 1

“Bantu metubilaka Armagedoni mingi na bamvula ya mekatuka kuluta. Keti nge keyindula nde kele ti kima mosi yina bantu lenda sala na mpila nde Armagedoni kusalama ve? [Bika muntu yango kupesa mvutu.] Verse yai kemonisa kisika ngogo ‘Armagedoni’ mekatukaka. [Tanga Kusonga 16:16. Na nima songa yandi lutiti ya zulu ya zulunalu.] Zulunalu yai kepesa mvutu ya mekatuka na Biblia na bangyufula yai.”

Reveillez-vous ! Februari

“Bubu yai, bantu mingi kesepelaka kusolula ti bantu na Internet. Keti nge keyindula nde kusolula na Internet kele ti bigonsa? [Bika muntu yango kupesa mvutu.] Biblia kele ti minsiku yina lenda tanina beto ntangu beto kesadila Internet. [Kangula balutiti 6-9, mpi beno tadila ngyufula mosi ti verse mosi ya bo mevutukila ve bangogo na yo.] Zulunalu yai tasadisa nge na kuzaba mpi kutina bigonsa yina bantu kekutanaka ti yo ntangu bo kesolulaka na Internet.”