Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Septembri

“Bantu ya bansi mpi ya balukwikilu ya kuswaswana kesalaka bisambu konso kilumbu. Keti nge keyindula nde Nzambi kewaka mpi kepesaka mvutu na bisambu yina yonso?” Bika muntu yango kupesa mvutu. Na nima, pesa yandi Nzozulu ya Nkengi ya Septembri 1, mpi beno tadila kumosi mambu yina kele na nsi ya kantu-dyambu yina kele na lutiti 16 mpi beno tanga ata verse mosi na kati ya baverse yina bo mevutukila ve bangogo na yo. Pesa bazulunalu, mpi beno wakana sambu na kuzaba kilumbu nge tavutukila yandi sambu na kutadila ngyufula yina kelanda.

Nzozulu ya Nkengi Septembri 1

Songa muwi na nge mambu ya bo mesonika na zulu ya zulunalu, mpi tuba nde: “Inki mvutu nge lenda pesa na ngyufula yai? [Bika muntu yango kupesa mvutu.] Tala mambu Biblia ketuba. [Tanga 1 Yoane 5:19.] Mutindu verse yai kemonisa yo, “muntu ya mbi,” to Dyabulu, keyala nsi-ntoto. Kansi dyambu yai kepusaka bantu na kuyula bangyufula yai: Dyabulu kukatukaka wapi? Keti yandi kele muntu ya kyeleka? Bamvula ikwa Nzambi tabika nde yandi yala? Zulunalu yai kemonisa mambu yina Biblia ketuba sambu na Dyabulu.”

Reveillez-vous ! Septembri

“Bubu yai, bantu mingi kekudiyangisaka sambu na bampasi ya mbongo. Nge kemona nki mutindu? Sambu na nki yo kele mpasi mingi na kuzwa mbongo ya kuzingila konso kilumbu? [Bika muntu yango kupesa mvutu.] Biblia kele ti bandongisila ya mayele yina mesadisaka bantu mingi na kusadila mbongo na bo na mutindu ya mbote. [Tanga verse mosi na kati ya baverse yina kele na balutiti 8-9.] Zulunalu yai kepesa malongi ya mfunu sambu na bantu yina mefulukaka ti bamfuka.”