Mbandu ya Bangogo ya Kukotila na Masolo

Kuyantika Kulonguka ti Muntu na Sabala ya Ntete ya Ngonda ya Septembri

“Bantu mingi ke kwikilaka na bawanzio. Ebuna nge? [Bika muntu yango kupesa mvutu.] Bigangwa yai ya kimpeve kele ngolo mingi, keti nge ke yindula nde bo lenda sadisa beto? Biblia ke zabisa beto mutindu bo ke sadisaka bantu bubu yai.” Songa yandi Nzozulu ya Nkengi ya Septembri 1 mpi beno tadila malongi yina kele na nsi ya ngiufula ya ntete mpi beno tanga ata verse mosi ya bo me vutukila ve bangogo na yo. Pesa muwi bazulunalu mpi baka bangidika sambu na kuvutukila yandi mpi kutadila ngiufula ya ke landa.

Nzozulu ya Nkengi Septembri 1

“Keti nge ke yindula nde bantu ta bebisa ntoto kimakulu? [Bika muntu yango kupesa mvutu.] Ata bantu lenda yidika ve ntoto yina bo me bebisaka, Biblia ke zabisa beto nde Nzambi ta yidika yo mpi yandi kele na mpusa ya kusala yo. Nkunga 65:10 ke pesa beto kivuvu yai. [Tanga.] Nzozulu ya Nkengi yai ke tubila mutindu Nzambi ta yidika ntoto mpi mutindu beto ta sepela ti balusakumunu yai na bilumbu ya ke kwisa. Keti mono lenda bikila nge yo?”

Réveillez-vous ! Septembri

“Bantu mingi ke mona nde bamfumu na bo ya kisalu ke pesa bo bisalu mingi mpi bo ke mona ve mpila ya kutina bupusi ya bamfumu na bo. Bantu ya mayele ke tubaka nde kusala kisalu mingi lenda nata basusi mpi kunatila muntu mpasi ya ngolo na nitu mpi na mawi. Nge ke yindula nde nki lenda sadisa muntu na kuvanda ti luzingu ya bukati-kati? [Bika muntu yango kupesa mvutu.] Verse yai ya Biblia ke sadisa beto na kuyindula. [Tanga Longi 4:6.] Zulunalu yai ke tendula mitindu iya ya mbote yina beto lenda soba mambu ya beto ke tulaka na kisika ya ntete mpi kununga basusi na kisalu.”