Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Septembri

“Bantu mingi kekwikilaka nde kilumbu mosi Nzambi tasambisa bo na kutadilaka mambu yina bo kesalaka. Keti nge keyindula nde beto fwete vingila Kilumbu ya Lusambisu ti kyese to kuwa yo boma? [Bika muntu yango kupesa mvutu.] Tala mambu periodike yai ketuba.” Pesa muwi Nzozulu ya Nkengi ya Oktobri 1, mpi beno tala kumosi mambu yina kele na nsi ya kantu-dyambu ya ntete yina kele na lutiti 16 mpi beno tadila ata verse mosi. Pesa yandi zulunalu mpi baka bangidika sambu na kuvutukila yandi mpi kutadila ngyufula yina kelanda.

Nzozulu ya Nkengi Oktobri 1

“Na babwala mingi na nsi-ntoto, bantu kemengaka bankento mpi kepesaka bo mpasi. Yo kele mawa na kumona nde malongi ya mabundu mesyamisaka kikalulu yai. Keti nge keyindula nde Nzambi kekudibanzaka sambu na bankento? [Bika muntu yango kupesa mvutu.] Tala mutindu Biblia kesyamisa babakala na kusadila bankento na bo mambu. [Tanga Efezo 5:28, 29.] Zulunalu yai kemonisa mambu yina Biblia ketuba na yina metala mutindu Nzambi ketadilaka bankento.”

Reveillez-vous ! Septembri

“Bantu mingi ketubaka nde kele ti kilumbu luzingu tasuka na ntoto, ziku na mvita mosi ya nikleyere to kisumbula mosi buna ya lugangu, mumbandu kima mosi ya kizitu takatuka na zulu mpi tabwila ntoto, to nsoba ya climat na ntoto ya mvimba. Keti nge keyindula nde mambu ya mutindu yai tasalama, to nde yo kele kaka bangindu ya bantu? [Bika muntu yango kupesa mvutu.] Biblia kepesa lusilu yai ya kelembika ntima. [Tanga Nkunga 37:29.] Zulunalu yai ketubila bangindu yankaka ya bantu na yina metala kufwa ya ntoto mpi mambu ya mbote yina Biblia ketubila sambu na ntoto na bilumbu kekwisa.”