Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Kuyantika Kulonguka ti Muntu na Sabala ya Ntete ya Ngonda ya Februari

“Bantu mingi ke yindulaka nde Diabulu kele na nima ya mambu ya mbi ya ke salamaka na ntoto. Kansi bo ke kudiyulaka nde: ‘Diabulu katukaka wapi? Keti Nzambi muntu gangaka yandi?’ Inki nge ke yindula? [Bika muntu yango kupesa mvutu.] Tala mambu ya bo me sonika awa.” Songa disolo yina kele na lutiti ya nsuka ya Nzozulu ya Nkengi ya Februari 1, mpi beno tadila paragrafe ya ntete mpi verse mosi. Pesa yandi bazulunalu, mpi baka bangidika ya kuvutukila yandi sambu na kutadila ngiufula yina ke landa.

Nzozulu ya Nkengi Februari 1

“Beto ke zola kuzaba dibanza na nge na yina me tala muntu yina Bakristu, Bayuda, mpi Bamizuluma ke zitisaka mingi. Muntu yango kele Moize. Ntangu bo ke tubilaka zina na yandi, inki kima ya ntete ke kwisilaka nge na mabanza? [Bika muntu yango kupesa mvutu.] Mutindu Biblia ke tubila Moize ke benda dikebi na beto, ata yandi salaka bifu. [Tanga Kulonga 34:10-12.] Zulunalu yai ke tubila bikalulu na yandi tatu ya mbote mpi mutindu beto lenda landa mbandu na yandi.”

Réveillez-vous ! Februari

“Bubu yai bantu mingi me kuma kukwenda na bansi ya nkaka sambu na kusosa luzingu ya mbote. Keti nge ke yindula nde bo ke zwaka ntangu yonso mambu ya bo ke sosaka? [Bika muntu yango kupesa mvutu.] Kukwenda na bansi ya nkaka kele ve diambu mosi ya mpa. Tala mbandu yai ya kele na mukanda ya ntete ya Biblia. [Tanga Kuyantika 46:5, 6.] Zulunalu yai ke tubila bangiufula yai.” Songa muwi bangiufula yina kele na nsuka ya lutiti 6.