Bumba

Keti Nge Kesadilaka Tumikanda yai?

La Bible—Quel est sont message ?

Bo salaka yo sambu na bantu yina mezaba mambu fyoti ya Biblia, mingi-mingi bayina kele na mabundu yina kele ve ya Bukristu

Mutindu ya kukabula yo: “Beto kezola kuzaba dibanza na nge sambu na mambu yai kele awa na Masonuku (to na mukanda yai ya santu). [Tanga Nkunga 37:11, yina bo metubila na kitini 11.] Nge keyindula nde nsi-ntoto takuma nki mutindu ntangu mbikudulu yai talungana? [Bika muntu yango kupesa mvutu.] Yai kele mbandu mosi ya kivuvu mpi ya kikesa yina bantu ya binkulu ti ya balukwikilu yonso lenda baka na Biblia.” Tanga paragrafe yina kele na luyantiku ya lutiti 3, na nima pesa kamukanda.

Nge lenda meka metode yai: Kana nge kelonguka Biblia ti muntu mosi ya dibundu yina kele ve ya Bukristu na mukanda Biblia Kelongaka, baka mwa minuta na luyantiku to na nsuka ya konso kulonguka sambu na kutadila kitini mosi ya kamukanda yai; mpidina nge tapesa yandi ngindu ya kimvuka ya Biblia.

Cinq questions à se poser sur l’origine de la vie

Sambu na baleke yina kele Bakristu, yina bo melongaka dilongi ya evolisio na nzo-nkanda yo lenda sadisa na kusolula ti bantu ya evolisio, bantu yina ketubaka nde mpila kele ve ya kuzaba kana Nzambi kele to ve, mpi bantu yina kendimaka ve nde Nzambi kele. (Beto fwete kabula ve mukanda yai ntangu beto kesamuna nzo na nzo.)

Mutindu ya kusadila yo ntangu beto kesolula ti muntu mosi ya evolisio to yina kendimaka ve nde Nzambi kele: “Bubu yai, yo kemonana nde mikanda ya siansi yonso yina bo kesadilaka na banzo-nkanda kelongaka evolisio. Keti nge kekwikila nde evolisio kele kaka dilongi mosi buna to yo mekumaka ntangu yai dyambu mosi ya kyeleka? [Bika muntu yango kupesa mvutu.] Sambu na kubaka desizio mosi ya mesimbama na nzayilu ya kyeleka, ntembe kele ve nde beto fwete tadila bangyufula yai yonso zole. Kamukanda yai kele ti mwa banzikisa ya kepusaka bantu mingi na kukwikila nde luzingu kugangamaka.”

Nge lenda meka metode yai: Kana nge kwenda na nzo-nkanda, yambula kamukanda yai na zulu ya ban na nge mpi tala kana yo kebenda dikebi ya bana yankaka ya nzo-nkanda na beno.

Nge Lenda Vanda Nduku ya Nzambi!

Bo salaka yo sambu na bantu yina melongukaka mingi ve to mezaba kutanga mbote ve

Mutindu ya kukabula yo: “Keti nge keyindula nde beto lenda sala kinduku ti Nzambi? [Bika muntu yango kupesa mvutu. Na nima, tanga Yakobo 2:23.] Bo mebasisaka kamukanda yai sambu na kusadisa beto na kukuma banduku ya Nzambi, bonso Abrahami.”

Nge lenda meka metode yai: Ata na mbala ya ntete to na mvutukila ya mpa, beno tadila mambu yonso to ndambu yina kele na dilongi ya 1.