Masolo ya Mpa ya Me Landana Yina Ta Basika na Nzozulu ya Nkengi

Na Sabala ya ntete ya konso ngonda, beto ke sadilaka masolo ya kulandana ya Nzozulu ya Nkengi “Longuka na Ndinga ya Nzambi” sambu na kuyantika kulonguka Biblia ti bantu. Yantika na Yanuari, beto ta yingisa masolo yai na masolo ya nkaka ya kele na ntu-diambu, “Bamvutu na Bangiufula ya Biblia;” yo ta basikaka na lutiti ya nsuka ya Nzozulu ya Nkengi, nimero ya bantu yonso. Beto lenda sadila “Bamvutu na Bangiufula ya Biblia” na kisalu ya kusamuna kaka mutindu beto vandaka kusadila “Longuka na Ndinga ya Nzambi.” (km 12/10 lut. 2) Bonso na bamvula ya me luta, Kisalu na Beto ya Kimfumu ta vandaka ti mbandu ya bangogo ya kukotila na masolo, yina beto lenda sadila na Sabala ya ntete ya ngonda.