Mbandu ya Bangogo ya Kukotila na Masolo

(Sadila periodike ya Kifalansa kana yo kele ve na Kikongo)

Nsangu ya Kimfumu No. 38

“Beto ke sala kampanye mosi na ntoto ya mvimba sambu na kuzabisa nsangu yai ya mfunu. Kopi na nge yo yai.”

Noti: Sambu na kusala teritware ya mvimba, bangogo na beto ya kukotila na masolo fwete vanda nkufi. Kansi, bantangu ya nkaka muwi lenda monisa mpusa ya masonga mpi kuzola nde beno solula. Kana mpidina, nge lenda yula dibanza na yandi na yina me tala ngiufula ya luyantiku, kana ntangu kele, tangila yandi mvutu ya Biblia yina bo me monisa na kati, mpi beno tadila mwa mambu yina kele na trakiti. Na ntwala ya kukwenda, songa yandi ngiufula yina kele na lutiti ya nsuka na ntu-diambu “Kudiyula,” baka bangidika sambu na kuvutukila yandi mpi kutadila yo.

Nzozulu ya Nkengi Novembri 1

“Na dibanza na nge, nki kele luvunu ya kuluta nene yina bo me kusilaka Nzambi? [Bika muntu yango kupesa mvutu.] Na kutadila Biblia, Nzambi ke zolaka nde bantu kuzola yandi mpi kutudila yandi ntima. [Tanga Yezaya 41:13.] Zulunalu yai ke monisa baluvunu tatu yina bantu ke tubaka mingi na yina me tala Nzambi mpi yina me salaka nde yo vanda mpasi sambu bantu mingi kukwenda pene-pene na yandi.”

Réveillez-vous ! Novembri

“Beto ke tala bantu sambu na mwa ntangu fioti sambu bantu mingi ke kudiyangisa mutindu bikalulu ya mbote ke beba. Keti nge ke yindula nde bantu ke bakaka diaka ve minsiku ya bikalulu ya mbote na valere? [Bika muntu yango kupesa mvutu.] Biblia bikulaka nde nkadilu mpi bikalulu ya bantu ta soba. [Tanga 2 Timoteo 3:1-5.] Zulunalu yai ke tubila kikuma yina beto lenda tula ntima na bikalulu ya mbote yina kele na Biblia.”