Pesa Bo Formasio Sambu Bo Landa Kusadila Yehowa

Mbala mingi beto ke monaka nde bansamuni ya mpa yina bo ke sadisaka banda na luyantiku na kusamuna mbala na mbala mpi na kikesa ke kumaka bansamuni ya mbote. (Bin 22:6; Fil 3:16) Tala mwa bangindu yina nge lenda sadila sambu na kusadisa longoki na kuvanda ngolo na kisalu ya kusamuna:

• Kana longoki na nge me kuma nsamuni, banda kupesa yandi formasio kaka na luyantiku. (km 8/15 1) Sadisa yandi na kubakisa mfunu ya kusamunaka konso mposo. (Fil 1:10) Tubaka mambu ya mbote sambu na bantu ya teritware na beno. (Fil 4:8) Siamisa yandi na kusamuna ti nkengi ya kimvuka mpi ti bansamuni ya nkaka sambu na kubaka mayele na bo ya kulonga.—Bin 1:5; km 10/12 6 § 3

  

• Kana longoki me baka mbotika, kuyambula ve na kusiamisa yandi mpi na kupesa yandi formasio na kisalu ya kusamuna, mingi-mingi kana yandi me manisa ve mukanda “Zola ya Nzambi.”—km 12/13 7

  

• Kana nge ke samuna ti nsamuni ya mpa, sadila bangogo ya pete ya kukotila na masolo. Na nima ya kulanda bangogo na yandi ya kukotila na masolo, sikisa yandi. Pesa yandi bangindu yina ta sadisa yandi na kusamuna mbote.—km 5/10 7