Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Oktomba

“Ndĩ na ma nĩ ũgwĩtĩkania na niĩ atĩ ũtũũro ũkoragwo wĩ mũkuhĩ mũno. Nĩ ũkuona ta kũrĩ hĩndĩ tũkaahota kũniina mĩrimũ na twongongerere ũtũũro witũ? [Eterera acokie.] Ta rora ũrĩa haha haroiga.” Nengera mwene nyũmba ngathĩti ya Mnara wa Mlinzi ya Oktomba 1, na mwarĩrĩrie hamwe ũhoro ũrĩa ũrĩ rungu rwa kĩongo kĩnini kĩa mbere karatathi-inĩ ga 16 na mũthome rĩandĩko rĩrĩa rĩonanĩtio. Mũtigĩre ngathĩti na ũbange gũkaamũcokera mwarĩrĩrie kĩũria kĩrĩa kĩrũmĩrĩire.

Mũrangĩri Oktomba 1

“Tũragũceerera tondũ andũ aingĩ nĩ maramakio nĩ ũrĩa ungumania ũingĩhĩte biacara-inĩ na thirikari-inĩ. Hihi nĩ ũkuona ta harĩ ũndũ ũngĩkwo nĩ ũndũ wa thĩna ũcio? [Eterera acokie.] Ta rora ũrĩa haha haroiga igũrũ rĩgiĩ ũrĩa Jesu ageeka nĩ ũndũ wa andũ arĩa marahinyĩrĩrio nĩ ungumania. [Thoma Thaburi 72:12-14.] Ngathĩti ĩno nĩ yonanĩtie ũrĩa ungumania ũrĩthira ica ikuhĩ.”

Amkeni! Oktomba

“Aciari aingĩ nĩ mendaga ciana ciao igĩe na gĩthomo kĩega. Hihi nĩ ũkuona ta andũ ethĩ arĩa mararĩkia cukuru makoragwo mahaarĩirio wega kũhiũrania na moritũ ma ũtũũro? [Eterera acokie.] Ta rora ũrĩa Bibilia yugaga ũhoro-inĩ wĩgiĩ bata wa kwĩgĩĩra na ũmenyo na ũũgĩ. [Thoma Kohelethu 7:12.] Ngathĩti ĩno nĩ ĩheanĩte maũndũ matano mangĩteithia ciana igacĩre irĩ cukuru.”