Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Mweri wa Septemba

“Andũ aingĩ manacokera ciugo ici cia Ihoya rĩa Mwathani: “Ũthamaki waku ũũke. O ũrĩa wendete Wee, nĩwĩkagwo gũkũ thĩ, o ta ũrĩa wĩkagwo kũu Igũrũ.” Ũgwĩciria Ũthamaki ũcio nĩ kĩĩ? [Eterera acokie.] Rĩandĩko rĩrĩ nĩ rĩratũteithia kũmenya ũndũ ũcio.” Thoma Danieli 2:44. Ũcoke ũhe mwene nyũmba ngathĩti ya Mũrangĩri ya Agosti 1 na ũthome na mwarĩrĩrie hamwe ũhoro ũrĩa ũrĩ karatathi-inĩ ka 28. Mũhe ngathĩti na ũbange kũmũcokera nĩguo mwarĩrĩrie macokio ma kĩũria kĩu kĩngĩ.

Mũrangĩri Agosti 1

“Tondũ ũtũũro nĩ mũkuhĩ na ũiyũirũo nĩ mathĩna-rĩ, andũ aingĩ nĩ marigagwo muoroto waguo nĩ ũrĩkũ. Hihi nĩ ũrĩ weciria ũndũ ũcio? [Eterera acokie.] Bibilia ĩtwĩragĩra atĩ ũtũũro ndũgũtũũra ũtariĩ ũguo hingo ciothe. [Thoma Kũguũrĩrio 21:4.] Ngathĩti ĩno ĩrarĩrĩria muoroto wa Ngai harĩ thĩ na ĩkagweta maũndũ marĩa tũngĩka nĩguo tuone muoroto wa ma harĩ ũtũũro o na rĩu.”

Amkeni! Septemba

“Andũ aingĩ ũmũthĩ nĩ ahinyĩrĩrĩku meciria nĩ ũndũ wa mathĩna ma kwaga mbeca. Ũgwĩciria nĩ kĩĩ gĩtũmaga ũkorũo arĩ ũndũ mũritũ mũno kuona mabataro maitũ ma o mũthenya? [Eterera acokie.] Bibilia ĩkoragwo na ciugo cia ũũgĩ iria iteithĩtie andũ aingĩ kũhũthĩra mbeca ciao wega. [Thoma rĩandĩko rĩmwe rĩa marĩa monanĩtio karatathi-inĩ ka 8-9.] Ngathĩti ĩno ĩraheana maũndũ mangĩhũthĩka kũrĩ andũ arĩa marahiũrania na mathiirĩ.”