Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Septemba

“Andũ aingĩ nĩ metĩkĩtie atĩ mũthenya ũmwe Ngai nĩ akaamacirithia kũringana na ciĩko ciao. Hihi wonaga Mũthenya wa Cira ũrĩ wa kwĩrirĩrio-ĩ kana gwĩtigĩrũo? [Eterera acokie.] Ta rora ũrĩa haha haroiga.” Nengera mwene nyũmba ngathĩti ya Mũrangĩri ya Septemba 1, na mwarĩrĩrie ũhoro ũrĩa ũrĩ rungu rwa kĩongo kĩnini kĩa mbere karatathi-inĩ ga 16 na rĩandĩko na arĩ rĩmwe rĩa marĩa monanĩtio. Mũtigĩre magathĩti, mũcoke mũbange ũgaacoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Septemba 1

“Kũndũ kũingĩ thĩinĩ wa thĩ, atumia nĩ mathutũkanagio na magekwo maũndũ moru. Kĩeha nĩ atĩ, mawĩtĩkio ma kĩĩndini nĩ makoragwo na itemi ũndũ-inĩ ũcio. Hihi nĩ wonaga ta Ngai arũmbũyagia atumia kũna? [Eterera acokie.] Ta rora ũrĩa Bibilia ĩtaaraga athuri mekage atumia ao. [Thoma Aefeso 5:28, 29.] Ngathĩti ĩno nĩ yonanĩtie ũhoro ũrĩa Bibilia ĩguũrĩtie wĩgiĩ mawoni ma Ngai kwerekera atumia.”

Amkeni! Septemba

“Andũ aingĩ moigaga atĩ mũthenya ũmwe ũtũũro nĩ ũgaathira gũkũ thĩ, hihi nĩ ũndũ wa mbaara ya nyukiria kana gĩcanjama kĩa ndũire, ta kĩhiga kĩnene kũgũtha thĩ kana ũgarũrũku wa rĩera. Hihi nĩ ũkuona mawoni ta macio megiĩ mũthiro ta makoragwo na mũthingi, kana ũkuona ta arĩ o maũndũ ma gwĩcirĩrio? [Eterera acokie.] Bibilia ĩtũheaga kĩĩranĩro gĩkĩ gĩa kũhooreria. [Thoma Thaburi 37:29.] Ngathĩti ĩno nĩ yarĩrĩirie mawoni mamwe makoragwo kuo megiĩ mũthiro hamwe na ũrĩa Bibilia yugaga igũrũ rĩgiĩ mahinda mokĩte.”