Kambĩini Ĩrĩa Ĩgĩaga Moimĩrĩro

Ciumia ithatũ mbere ya kĩrũrũngano, ciũngano nĩ ikaanyita itemi o rĩngĩ kambĩini ya kũnyita andũ ũgeni icigo-inĩ ciao. Nĩ harĩ na gĩtũmi kĩega gĩa gũkorũo na kambĩini ĩno ya o mwaka. Arĩa metagwo na magoka kĩrũrũngano-inĩ, kaingĩ nĩ makenagio mũno nĩ mĩario ya Kĩĩmaandĩko, honge mwanya mwanya iria irũgamagĩrĩrũo wega nĩ erutĩri, ũrũmwe hamwe na mĩtugo itũ mĩega. (Thab. 110:3; 133:1; Isa. 65:13, 14) O na kũrĩ ũguo-rĩ, hihi kambĩini itũ nĩ ĩkoragwo na moimĩrĩro mega, makĩria kũndũ kũrĩa ageni aitũ moimaga kũnene magĩũka kĩrũrũngano-inĩ?

Thuutha wa kĩrũrũngano kĩa 2011, wabici ĩmwe ya rũhonge nĩ yaamũkĩire marũa kuuma kũrĩ mũtumia ũmwe waakorire karatathi mũrango-inĩ wake ga kũmwĩta kĩrũrũngano-inĩ. Nĩ aarĩ hũthĩra ya kwĩhitha Aira a Jehova maamũceerera. Aandĩkire ũũ: “Ndaarĩ na mũciĩ mwega mũno, mũthuri mwega, na ndonaga ndĩna maũndũ mothe ma kũũhe gĩkeno. Ũndũ wa kĩeha nĩ atĩ, ndiarĩ na gĩkeno, na ũtũũro wakwa ndwarĩ na muoroto o na hanini. Kwoguo, ngĩoya ngaari ngĩthiĩ kiromita 320 nĩguo ngathikĩrĩrie programu mũthenya wa Njuuma.” Nĩ aakeneire kĩrũrũngano mũno nginya akĩhũũrĩra mũthuri wake thimũ kũmwĩra atĩ ndekũinũka nĩguo agaathikĩrĩria programu ya Kiumia. “Ndaathikĩrĩirie mĩario yothe, ngĩmenyana na Aira aingĩ a Jehova, na ngĩyũria na arĩ korũo kĩrũrũngano kĩu gĩtigũthira.” Acoka mũciĩ akĩambĩrĩria kwĩruta Bibilia, na thutha wa mĩeri ĩna agĩtuĩka mũhunjia ũtarĩ mũbatithie. “Nĩ ngenaga mũno nĩ gũkora karatathi kau mũrango-inĩ, tondũ rĩu ũtũũro wakwa nĩ ũgĩte na muoroto!”

Andũ amwe arĩa mekũheo karatathi ga kũmanyita ũgeni nĩ magooka. Kwoguo, nyita itemi kambĩini ĩno ya bata ũrĩ na kĩyo. Kuua tũratathi tũrĩa ũgakorũo ũtigĩtie ũgĩũka kĩrũrũngano-inĩ, na ũtũhũthĩre ũkĩhunjia rĩrĩa mweke weyumĩria.

[Mbica karatathi ka 4]

Tũkaaheana Atĩa Tũratathi Tũu?

Nĩguo tũtũheane kũrĩ andũ aingĩ, tũkaabatara kwaria na njĩra nguhĩ. No tuuge ũndũ ta ũyũ: “Ũhoro waku. Tũraruta wĩra ũrarutwo thĩinĩ wa thĩ yothe wa kũheana tũratathi tũtũ twa kũnyita andũ ũgeni. Gaka nĩ gaku. Nĩ ũkuona ũhoro makĩria karatathi-inĩ gaka.” Korũo ũrĩ mũcanjamũku. Ũkĩheana tũratathi tũu mũthia-inĩ wa kiumia, heana hamwe na ngathĩti rĩrĩa wona kwagĩrĩire.