Kambĩini ya Mwanya
1. Tũkambĩrĩria gwĩta andũ rĩ, nĩguo moke kĩgomano-inĩ gĩa thikũ ithatũ kĩa 2014?
1 Ũngĩkorũo ũhaarĩirie ndĩa nene nĩ ũndũ wa famĩlĩ kana arata aku, na ũkorũo ũhũthĩrĩte mbeca nyingĩ na ũkaruta wĩra mũingĩ, ũngĩkorũo ũcanjamũkĩte mũno ũkĩmeta. Ũndũ ũmwe na ũcio, wĩra mũingĩ nĩ ũrutĩtwo kũhaarĩrĩria ndĩa nene ya kĩĩroho ĩrĩa ĩgakorũo igomano-inĩ cia thikũ ithatũ na cia kĩĩmabũrũri cia mwaka wa 2014. Nĩ tũgaakorũo na mweke wa gwĩta andũ moke kĩgomano-inĩ ciumia ithatũ mbere ya kĩambĩrĩirie. Nĩ kĩĩ gĩgatũteithia tũmete tũcanjamũkĩte?
2. Nĩ kĩĩ gĩgatũteithia tũnyitanĩre na kĩyo kambĩini-inĩ?
2 Tweciria ũrĩa ithuĩ ene tũgunĩkaga nĩ irio iria Jehova atũheaga igomano-inĩ, nĩ tũkaanyitanĩra biũ na ahunjia arĩa angĩ kambĩini-inĩ ĩyo ya gwĩta andũ. (Isa. 65:13, 14) Ningĩ nĩ wega kũririkana atĩ, kambĩini iria twĩkaga o mwaka, nĩ ikoragwo na moimĩrĩro mega. Andũ amwe tũgeeta hĩndĩ ya kambĩini, nĩ magoka. O na angĩkorũo ti othe magoka, kĩyo giitũ hĩndĩ ya kambĩini, nĩ gĩkaarehera Jehova rũgooco na kĩonanie ũtaana wake.—Thab. 145:3, 7; Kũg. 22:17.
3. Tũratathi twakũnyita andũ ũgeni tũkaaheanwo atĩa?
3 Kĩama gĩa athuri no kĩarĩrĩrie ũrĩa tũratathi twa kũnyita andũ ũgeni tũkaaheanwo, na kana ahunjia nĩ magatũheana kũndũ kwa mũingĩ, kana gũtũikia nyũmba iria tũtagaakora andũ. Mũthia-inĩ wa ciumia, tũratathi tũu no tũheanwo hamwe na ngathĩti. Angĩkorũo Njuuma ya mbere ya mweri ĩgaakorũo ĩrĩ hĩndĩ ya kambĩini, ahunjia magĩrĩirũo kũheana tũratathi tũu handũ ha kwambĩrĩria wĩruti wa Bibilia. Kambĩini yathira-rĩ, na githĩ tũtigaakorũo na gĩkeno kĩnene nĩ kũmenya atĩ twekire ũrĩa wothe twahotire, kũnyitanĩra tũcanjamũkĩte gwĩta andũ ndĩa-inĩ ĩyo ya kĩĩroho Jehova atũhaarĩrĩirie!