Tũkaambĩrĩria Kũnyita Andũ Ũgeni Machi 22, Nĩguo Magooka Kĩririkano

Mwaka ũyũ tũkaambĩrĩria kũnyita andũ ũgeni Njuuma, Machi 22. Ithuothe tũrekĩrũo ngoro tũgaakorũo na itemi inene wĩra-inĩ ũcio. Ningĩ Njuuma na Kiumia nĩ tũkaaheanaga ngathĩti cia ica ikuhĩ rĩrĩa tuona kwagĩrĩire. Njuuma ya mbere ya Ĩpuro, tũgeekĩra kĩyo makĩria harĩ kũnyita andũ ũgeni handũ ha kwambĩrĩria kũruta andũ Bibilia. O na kũrĩ ũguo, tũngĩkora mũndũ ũrĩ na wendi mũnene wa kũmenya ma, no tũgerie kwambĩrĩria kũmũruta Bibilia. Mũrori wa ũtungata no one kana hihi kũheana tũratathi tũu kũndũ kwa mũingĩ no gũteithie kĩũngano gĩkinyĩre andũ aingĩ makĩria. Andĩka arĩa othe ũrenda gũkaanyita ũgeni ta, andũ a famĩlĩ, arĩa mũrutaga wĩra nao, arĩa mũthomaga nao, na arĩa ũcokagĩra, nĩguo ũkaamahe tũratathi wĩra wa kũnyita andũ ũgeni wambĩrĩria. Nĩ mwĩhoko witũ atĩ andũ aingĩ nĩ makaanyitanĩra na ithuĩ tũkĩririkana wendo mũnene mũno ũrĩa Jehova na Jesu matuonetie.​—Joh. 3:16; 15:13.