Kwagagĩria Ũtungata Witũ—Ũrĩa Ũngĩcokeria Mũndũ Ũrarega Gũgũthikĩrĩria

Ũndũ Ũcio nĩ wa Bata Nĩkĩ? Ta hũũra mbica ũmenyete kabere atĩ kũrĩ na gĩcanjama kĩa ndũire gĩkiriĩ gũka. Andũ mangĩaga gwĩthara, gũtirĩ o na ũmwe ũkũhonoka. Ũgathiĩ kũrĩ mũndũ ũrĩa mũriganĩtie kũmũmenyithia ũgwati ũcio, no we akaaga gũgũthikĩrĩria agakwĩra atĩ arĩ na mĩhangʼo. Hihi ũkũhiũha kũmũtiganĩria? Andũ aingĩ arĩa tũhunjagĩria, nĩ maregaga gũtũthikĩrĩria matekũmenya atĩ, ndũmĩrĩri ĩrĩa tũmaheaga no ĩhonokie mĩoyo yao. No kũhoteke rĩrĩa twamaceerera makorũo marĩ na mĩhangʼo. (Mat. 24:37-39) Kana rĩngĩ makorũo nĩ meerĩtwo ndeto cia maheeni itwĩgiĩ. (Mat. 11:18, 19) O na kana mecirie atĩ tũhaana o ta ndini iria ingĩ ikoragwo na ũhinga. (2 Pet. 2:1, 2) Ũrĩa tũrahunjĩria angĩonania atĩ ndarenda gũtũthikĩrĩria, tũtiagĩrĩire kũhiũha kũmũtiganĩria.

Ũrĩa Tũngĩka:

No wĩke ũguo na njĩra ya kũmũgaathĩrĩria. Kwa ngerekano, angiuga atĩ arĩ na kanitha ũrĩa athiaga, no ũmwĩre ũũ: “Nĩ ndakena mũno nĩ gũcemania na mũndũ tawe wendete ũhoro wa Ngai.” Rĩmwe kuonia arĩa tũrahunjĩria atĩ nĩ tũrameciria, no gũtũteithie kũhota kũmahunjĩria. Kwa mũhiano, angĩkwĩra atĩ arĩ na wĩra, no ũmwĩre ũũ: “Nĩ ma nĩ ndona ũrĩ na wĩra. No itanathiĩ no nyende gũgũtigĩra kabuku gaka.” Njĩra ĩngĩ ũngĩhũthĩra mũndũ angĩkwĩra ndarakenio, nĩ kũmũũria kĩũria. No ũmũũrie ũũ: “Hihi nĩ kĩĩ gĩtagũkenagia, nĩ ũhoro wa Bibilia-ĩ, kana nĩ ndini?”
Ririkana atĩ Jehova ndatindĩkagĩrĩria andũ mamũthikĩrĩrie. (Gũcok. 30:19) O mũndũ nĩwe ũrĩĩkuuagĩra mũrigo wake mwene. (Gal. 6:5) Ũrĩa ũrahunjĩria angĩrega biũ gũgũthikĩrĩria, nĩ wega ũmũtige. Tũngĩonania nĩ tũratĩĩa mawoni make, hihi ahota gũgaathikĩrĩria hĩndĩ ĩngĩ.—1 Pet. 3:15.

Geria Gwĩka ũũ Mweri-inĩ Ũyũ: