Marũmĩrĩre na Ihenya!

Thutha wa kũrugũria Rĩarĩro rĩerũ rĩa jw.org, nĩ kũgĩte na wongerereku mũnene wa arĩa marahoya wĩruti wa Bibilia. Wongerereku ũngĩ wonekete nĩ ũndũ wa mĩbango mĩerũ ya kũhunjia kũndũ kwa mũingĩ. Wabici ya rũhonge ĩmenyithagia ciũngano na ihenya ũhoro wa andũ arĩa mahoete wĩruti wa Bibilia. Kwa ngerekano, mũndũ angĩhoya wĩruti kũgerera jw.org, wabici ya rũhonge ĩmenyithagia athuri a kĩũngano kĩrĩa kĩrĩ hakuhĩ nake mĩthenya ĩĩrĩ tu thutha ũcio. O na kũrĩ ũguo, nĩ kuonekete atĩ, aingĩ a arĩa mahoyaga wĩruti wa Bibilia nĩ maikaraga ihinda rĩnene matarũmĩrĩirũo. Tũngĩka atĩa nĩguo tũtigĩrĩre atĩ nĩ twarũmĩrĩra andũ acio wendi wao ũtanathira?—Mar. 4:14, 15.

Ũngĩcemania na mũndũ ũrakenio nĩ ũhoro na ndaikaraga gĩcigo-inĩ kĩanyu, ihũria o na ihenya bomu ya Tafadhali Fuatia Upendezi (S-43) na ũnengere mwandĩki wa kĩũngano kĩanyu mũcemanio-inĩ ũrĩa ũrũmĩrĩire. Mwandĩki ũcio agĩrĩirũo kũmenyithia kĩũngano kĩrĩa kĩrĩ hakuhĩ na mũndũ ũcio kana wabici ya rũhonge, ũhoro wa mũndũ ũcio akĩhũthĩra jw.org, rungu rwa Kutaniko, na ndagakĩrie mũthenya ũmwe kana ĩĩrĩ. Athuri a kĩũngano magĩrĩirũo kũroraga Rĩarĩro rĩu kaingĩ kaingĩ. Mangĩũrio macerere mũndũ, magĩrĩirũo gwĩka ũguo na ihenya o ũrĩa kwahoteka. Mũhunjia o wothe angĩũrio arũmĩrĩre mũndũ ũhoete wĩruti wa Bibilia, agĩrĩirũo nĩ kuoya ũndũ ũcio na ũritũ. Mũndũ ũcio angĩkorũo atarĩ mũciĩ, nĩ wega mũhunjia atige namba cia thimũ kana atige aandĩka ũrĩa angĩoneka.