Ũrĩa Ũngĩhũthĩra Bomu ya Tafadhali Fuatia Upendezi (S-43)

Bomu ĩno yagĩrĩire kũiyũrio rĩrĩa wona mũndũ ũrakenio nĩ ũhoro ũrĩa tũhunjagia no ndaikaraga kũrĩa mũhunjagia kana waragia rũthiomi rũgeni. O na gũtuĩka hau kabere tũraiyũragia bomu ĩyo twacemania na mũndũ waragia rũthiomi rũgeni akorũo nĩ arakenio kana ndarakenio nĩ ũhoro ũrĩa tũrahunjia, rĩu tũmĩhũthagĩra rĩrĩa tu mũndũ onania nĩ akenio nĩ ũhoro ũcio. No twagĩrĩirũo kũiyũria bomu ĩyo ya S-43 hingo ciothe twacemania na mũndũ ũtaiguaga o na angĩkorũo ndarakenio nĩ ũhoro ũrĩa tũrahunjia.

Thutha wa kũiyũria bomu ĩyo-rĩ, twagĩrĩire gwĩka atĩa nayo? Twagĩrĩirũo kũmĩnengera mwandĩki wa kĩũngano. Angĩkorũo nĩ oĩ kĩũngano kĩrĩa kĩagĩrĩirũo gũtũmĩrũo bomu ĩyo-rĩ, no atũmĩre athuri a kĩũngano kĩu nĩguo mabange ũrĩa mũndũ ũcio angĩteithio. Angĩkorũo ndoĩ kĩũngano kĩrĩa kĩagĩrĩire gũtũmĩrũo, agĩrĩirũo kũmĩtũma kũrĩ wabici ya rũhonge.

Angĩkorũo mũndũ ũcio ũrakenio nĩ ũhoro ũrĩa tũhunjagia aragia rũthiomi rũgeni na aikaraga kũrĩa tũhunjagia-rĩ, no tũthiĩ na mbere kũmũcokera nĩguo tũkũrie wendi wake o nginya aceererũo nĩ mũhunjia kuuma kĩũngano kĩa rũthiomi rwake.—Rora Huduma Yetu ya Ufalme, ya Novemba 2009, karatathi ga 4.