Kwagagĩria Ũtungata Witũ​—Kũhunjĩria Mũndũ Waragia Rũthiomi Rũngĩ

Ũndũ Ũcio nĩ wa Bata Nĩkĩ? Jehova nĩ arũmbũyagia mabataro ma kĩĩroho ma andũ a “ndũrĩrĩ ciothe.” (Atũm. 10:34, 35) Nĩ ũndũ ũcio, Jesu nĩ onanirie atĩ ũhoro mwega nĩ ũngĩkahunjio “thĩ yothe” na kũrĩ andũ a “ndũrĩrĩ ciothe.” (Mat. 24:14) Mũnabii Zekaria aarathire atĩ andũ ‘moimĩte ndũrĩrĩ-inĩ ingĩ, irĩ na mĩarĩrie yacio mwanya’ nĩ mangĩgetĩkĩra ũhoro mwega. (Zek. 8:23) Kũringana na kĩoneki kĩrĩa mũtũmwo Johana onirio, arĩa makaahonoka mĩnyamaro ĩrĩa mĩnene magakorũo ‘moimĩte ndũrĩrĩ-inĩ ciothe, mĩhĩrĩga yothe, na nduka ciothe, o na mĩario yothe.’ (Kũg. 7:9, 13, 14) Nĩ ũndũ ũcio, rĩrĩa twacemania na mũndũ waragia rũthiomi rũngĩ gĩcigo-inĩ gitũ twagĩrĩire kũmũhunjĩria.