Tũbangĩtwo Nĩguo Tũhunjĩrie Andũ Othe

O ta ũrĩa Jehova aabangĩte Aisiraeli, o na ũmũthĩ nĩ abangĩte andũ ake nĩguo mahingie wendi wake. Thĩinĩ wa thĩ yothe, gũkoragwo na wabici cia honge, mĩthiũrũrũko, ciũngano, na ikundi cia kũhunjia, na ciothe irutithanagia wĩra nĩguo ũhoro mwega ũhunjio. Tũhunjagĩria andũ othe nginya arĩa maragia rũthiomi rũngĩ.​—Kũg 14:6, 7.

Ũrĩ weciria ũhoro wa kwĩruta rũthiomi rũngĩ nĩguo ũteithie mũndũ erute ũhoro wa ma? O na angĩkorũo ndũngĩhota kuona mahinda ma kwĩruta rũthiomi rũngĩ, no ũhũthĩre JW Language kwĩruta ũndũ mũhũthũ ũngĩhũthĩra ũtungata-inĩ. Ũngĩmĩhũthĩra ũtungata-inĩ, no ũgĩe na gĩkeno ta kĩrĩa kĩagĩirũo nĩ Akristiano a karine ya mbere, rĩrĩa andũ a kuuma mabũrũri mangĩ maagegire nĩ ũndũ wa kũigua “maũndũ manene ma Ngai” na rũthiomi rwao.​—Atũ 2:7-11.

WĨRORERE VIDEO YA TUĨKA MŨRATA WA JEHOVA​—HUNJIA NA RŨTHIOMI RŨNGĨ, ŨCOKE ŨCOKIE CIŨRIA ICI:

• 

  Nĩ ta rĩ ũguo JW Language ĩngĩgũteithia?

• 

  Nĩ maũndũ ta marĩkũ ĩkoragwo namo?

• 

  Thĩinĩ wa gĩcigo kĩanyu andũ maragia thiomi irĩkũ?

• Wagĩrĩirũo gwĩka atĩa ũngĩona mũndũ ũrakenio nĩ ndũmĩrĩri ya Ũthamaki, no aragia rũthiomi rũngĩ?​—od 100-101 kĩb. 39-41