Kwagagĩria Ũtungata Witũ​—Kũhunjĩria Andũ Othe Thĩinĩ wa Gĩcigo Gitũ

ŨNDŨ ŨCIO NĨ WA BATA NĨKĨ? Zekaria nĩ aarathĩte atĩ andũ kuuma thiomi-inĩ ciothe cia thĩ nĩ mangĩgakenio nĩ ũhoro ũrĩa mwega. (Zek 8:23) No nũũ ũkũmaruta? (Ro 10:13-15) Tũrĩ na mweke wa mwanya na ũigĩrĩrĩki wa gũkinyĩria andũ othe ũhoro ũrĩa mwega thĩinĩ wa gĩcigo gitũ.—od 84 kĩb. 10-11.

ŨRĨA TŨNGĨKA:

• Wĩhaarĩrie. Hihi nĩ ũkoraga andũ mararia rũthiomi rũngĩ? No ũhũthĩre JW Language kwĩruta ciugo nini ũngĩmera. Ningĩ no ũhũthĩre thimũ kana tablet kuonia mũndũ ũrĩa angĩona ũhoro makĩria na rũthiomi rwake thĩinĩ wa jw.org

• Korũo ũrĩ maitho. Angĩkorũo ũrahunjia nyũmba kwa nyũmba, ndũkareke mweke wa kũhunjĩria mũndũ ũkũhĩtũke o ũguo. Aria na arĩa mũrahĩtũkana nao kana arĩa metereire mũndũ marĩ ngari-inĩ. Angĩkorũo ũrahunjia kũndũ kwa mũingĩ, ndũkariganĩrũo atĩ muoroto waku nĩ kũhunjĩria andũ

• Ĩkĩra kĩyo. Ikara ũkĩroraga nyũmba iria ũtaakorire andũ. Wĩrutanĩrie kũhunjĩria naarĩ mũndũ ũmwe o nyũmba, hihi na njĩra ya gũcoka kuo mathaa ngũrani kana mũthenya ngũrani. Andũ amwe nao no tũmahunjĩirie kũgerera marũa, thimũ, kana kũhunjia barabara-inĩ

• Ndũkamũtiganĩrie. Cokera o na ihenya mũndũ ũrĩa wonanirie wendi. Angĩkorũo aragia rũthiomi rũngĩ, etha mũndũ ũrĩa ũngĩmũteithia ũĩ rũthiomi rũu. Wagĩrĩirũo gũthiĩ na mbere gũceerera mũndũ ũcio nginya rĩrĩa gũkoneka mũhunjia ũĩ rũthiomi rwake.—od 93-94 kĩb. 39-40

WĨRORERE VIDEO, KŨHUNJIA “O NGINYA ITURI CIOTHE CIA THĨ,” ŨCOKE WĨCIRIE ŨHORO WA CIŨRIA ICI:

• 

  Aarĩ na ariũ a Ithe witũ mehaarĩirie atĩa mbere ya gũthiĩ kũhunjia icigo-inĩ cia kũraihu? (1Ko 9:22, 23)

• 

  Nĩ moritũ marĩkũ mangĩahiũranirie namo?

• 

  Nĩ irathimo irĩkũ maagĩire nacio?

• Nĩ atĩa ũngĩka nĩguo ũhote gũkinyĩra andũ aingĩ thĩinĩ wa gĩcigo kĩanyu?