Ũrĩa Ũngiuga

Ũkĩambĩrĩria Kwĩruta Bibilia na Andũ Njuuma ya Mbere ya Machi

“Hihi nĩ ũkuona Ngai ta akoragwo na ithondeka mahinda-inĩ maya, kana arũmbũyanagia na mũndũ ũmwe ũmwe? [Eterera acokie.] Tarora wone ũrĩa haha haroiga ũhoro wĩgiĩ andũ Ngai aatuĩte ithondeka mĩaka mĩingĩ mĩhĩtũku.” Humbũria karatathi ka 30 ka ngathĩti ya Mũrangĩri ya Machi 1, na mwarĩrĩrie nake kĩongo kĩnini kĩa mbere na rĩandĩko o na akorũo no rĩmwe rĩa marĩa monanĩtio. Mũtigĩre magathĩti, mũcoke mũbange atĩ nĩ ũgaacoka nĩguo mwarĩrĩrie kĩũria kĩrĩa kĩrũmĩrĩire.

Mũrangĩri Machi 1

“Ihinda-inĩ rĩa mĩaka mĩnyinyi mĩhĩtũku andũ nĩ makoretwo makĩaria mũno ũhoro wa Hari–Magedoni. Hihi nĩ ũkuona ta kũrĩ ũndũ andũ mangĩka magirĩrĩrie Hari–Magedoni ndĩgoke? [Eterera acokie.] Kiugo Hari–Magedoni gĩkoragwo kiumĩte haha. [Thoma Kũguũrĩrio 16:16. Ũcoke ũmuonie ngothi ya ngathĩti ĩyo.] Ngathĩti ĩno nĩ ĩheanĩte macokio ma Bibilia megiĩ ciũria ici.”

Amkeni! Machi

“Tũraria na andũ ũhoro wa mwerekera ũthumbũraga andũ. Mahinda-inĩ maya marakara ma andũ maroneka makĩongerereka mũno na makaremwo nĩ kwĩgirĩrĩria. Ũgwĩciria nĩ kĩĩ kĩratũma? [Eterera acokie.] Ta rora kaũndũ Bibilia ĩgwetete kegiĩ marakara. [Thoma Thaburi 37:8.] Ngathĩti ĩno ĩtaarĩirie itũmi imwe iria itũmĩte marakara ma andũ makorũo makĩongerereka mahinda-inĩ maya, na ũrĩa tũngĩhota kũgirĩrĩria marakara maitũ.”