Owe lilongekida ngoo nale shili okuungaunga nonghalo yopaunamiti yopaulumomhumbwe?
Molwaashi katu na owino waashi tashi ka ningwa po komongula, atusheni ohatu dulu okuya monghalo oyo tai pula ekwafo lopaunamiti lopaulumomumbwe. (Jak. 4:14) Onghee hano, omunaendunge ohe lilongekida komesho yefimbo. (Omayel. 22:3) Mbela owa ninga ngoo nale omahoololo oye ouhaku nosho yo omilandu douhaku odo wa tambula ko nowe di shanga? Opo u mone ekwafo, oto dulu okutala okavidio Transfusion-Alternative Health Care — Meeting Patient Needs and Rights ile oshitukulwa oshitivali shokaDVD ke na oshipalanyole Transfusion-Alternatives — Documentary Series. Oto ladipikwa yo u konge omanyamukulo omapulo aa taa landula, eshi to tale okavidio oko. Molwaashi mokavidio oko omu na omauliko e na sha nomatando, ovadali ove na okutala ngeenge ounona vavo vanini otava dulu ngoo okutala pamwe navo okavidio oko ile hasho.
(1) Omolwashike eendokotola novashiivinawa vouhaku vamwe tava talulula shi na sha netulwohonde? (2) Yandja oihopaenenwa itatu yomatando a kitakana oo a ningwa nopehe na etulwohonde. (3) Omolwashike eendokotola novatandi omayovi mounyuni aushe va hala okuhakula ile okutanda ovanaudu nopehe na etulwohonde? (4) Omakonakono oo a ningwa moipangelo mefimbo opo la di ko okwa holola shike shi na sha nelongifo lohonde? (5) Etulwohonde ohali etifa oilanduliko ya nyika oshiponga ilipi? (6) Ovashiivinawa voinima yopaunamiti vahapu ova fika pexulifodiladilo lilipi shi na sha nomauwa oo haa di momilandu dopauhaku odo inadi kwatela mo etulwohonde? (7) Oshike hashi etifa o-anemia (okukala uhe na ohonde ya wana molutu), nongahelipi omunhu oo e na o-anemia ta dulu okukwafelwa opo onghalo yaye i xwepopale? (8) Ongahelipi eesele dohonde itilyana tadi dulu okuhapupalifwa molutu lomunaudu? (9) Eenghedi dilipi tadi dulu okulongifwa opo omunhu aha kanife ohonde ihapu pefimbo letando? (10) Mbela ouhaku oo inau kwatela mo etulwohonde otau dulu ngoo okulonga kounona ile kovanhu ovo ve li monghalo ya kwata moiti? (11) Efinamhango la fimanenena lilipi tali dana onghandangala ngeenge tashi uya pefiloshisho liwa lopaunamiti?
Oumbangi otau ulike kutya ovaudifi vahapu inava yadeka natango oukalata vavo vedina Advance Medical Directive, vamwe ihava ende navo efimbo alishe. Ovapashukili veengudu doilonga yomomapya ove na okushilipaleka kutya ovaudifi aveshe meengudu davo ova wanifa po oshiteelelwa osho sha fimana. Keshe umwe oku na okuninga etokolo laye mwene komesho yefimbo she likolelela keliudo laye la deulwa kOmbibeli kutya ouhaku ulipi oo wa ulikwa mokavidio ta ka tambula ko. Opo u mone natango ouyelele muhapu u na sha noinima ei, konakona noukeka etukulwa 7 lembo ‘Ohole yaKalunga’ nosho yo eedjo domauyelele odo da ulikwa mo. Tala yo okawedwapo mokafo Oukalele Wetu wOuhamba kOshiingilisha kaNovemba 2006. Ngeenge owa ninginifwa, shilipaleka kutya owa yadeka mondjila omahoololo oo wa ninga mokakalata koye ko-DPA ndele to kala ho ende nako efimbo keshe.
[Blurb on page 3]
Mbela owa ninga nale omahoololo oye ouhaku nosho yo omilandu douhaku da shangwa odo wa tambula ko?