Oita yaUkraine oya taulukila kodula onhivali — Ombiibeli otai yandje eteelelo lilipi?

Oita yaUkraine otai wanifa odula mEtitano, mo 24 Februali 2023. She likolelela koikundaneki imwe, ovakwaita 300 000 lwaapo vaUkraine naRussia ova fila moita oyo, ile va lemanekwa. Oita oyo oya twaalela yo eemwenyo dovakwashiwana 30 000 lwaapo. Ashike omwaalu otashi dulika wa koya po opo.

Shi nyikifa oluhodi, kape na osho tashi ulike, ngeenge oita oyo ota i xulu ngoo diva.

• O-National Public Radio oya popya mo 19 Februali 2023 ya ti: “Okudja eshi etangakwaita laRussia la ponokela moUkraine nopa pita oule wodula paife, kape na osho tashi ulike kutya oita oyo onai ka xule. Kape na osho tashi ulike kutya Ukraine, ile Russia ota ka findana moita oyo nosho yo kutya oilongo oyo ivali otai ka hala ngoo okukundafana, opo i pange ombili.”

Ovanhu vahapu ova polimana omolwokumona oixuna oko taku ningilwa ovanhu vehe na ondjo oko taku etwa koita oyo nokomakuyunguto makwao oo e li mounyuni. Mbela Ombiibeli otai yandje eteelelo lilipi? Mbela oita onai ka xule po ngoo?

Oita oyo tai ka xulifa po oita aishe

Ombiibeli otai popi kombinga yoita imwe oyo tai ka xupifa ovanhu, ndele itai ke va hanauna po. Oita oyo ohai ifanwa Armagedon, noya popiwa kutya “oita mefiku linene laKalunga Omunaenghono adishe.” (Ehololo 16:14, 16) Kalunga ota ka xulifa po omapangelo aeshe opanhu okupitila moita oyo, oyo ya kala nokulonga oushada. Opo u mone nghee oita yaArmagedon tai ka eta ombili tai kalelele, lesha oitukulwa tai shikula:

• “Oita yaArmagedon oshike?”

• “Harmagedon oku li onghundana iwa”