Oita otai xulu naini? — Ombiibeli otai ti ngahelipi?

António Guterres, hamushangandjai wOiwana ya Hangana okwa popya shi na sha nanghee Iran a ponokela Israel odikilila Olomakaya, 13 Aprili 2024, a ti: “Paife olo efimbo lokuxwepopaleka onghalo. Eli olo efimbo lokukala nelipangelo.”

Oita oyo tai luwa kOushilo woPokati oi li ashike oshihopaenenwa shaasho tashi ningwa mounyuni aushe.

O-United Nations Security Council, oya popya mo 26 Januali 2023, ya ti: “Oita paife oya hapupala neenghono mounyuni shi dulife okudja pOita Itivali yOunyuni noya kuma ovanhu omabiliyona 2, oshitine shovanhu mounyuni aushe.”

Oita otai luwa moilongo ngaashi Israel, Gaza, Syria, Azerbaijan, Ukraine, Sudan, Ethiopia, Niger, Myanmar, na Haiti.a

Oita otai xulu naini? Mbela ovapangeli vomounyuni otava ka eta ombili? Ombiibeli otai ti ngahelipi?

Oita tai luwa mounyuni aushe

Oita oyo tai luwa mounyuni kunena otai ulike kutya mafiku oita aishe otai ka xulifwa po. Oita oyo otai wanifa po exunganeko lOmbiibeli li na sha nefimbo olo tu li mulo. Ombiibeli oya popya efimbo olo li li ‘omafiku axuuninwa ounyuni ou.’ — Mateus 24:3.

• Oiwana otai ka lwifafana, omauhamba otaa ka kondjifafana.” — Mateus 24:6, 7.

Lesha oshitukulwa “What Is the Sign of ‘the Last Days,’ or ‘End Times’?,” opo u mone nghee oita oyo tai luwa kunena tai wanifa po exunganeko lOmbiibeli.

Oita oyo tai ka xulifa po oita aishe

Ombiibeli oya xunganeka kutya oita otai ka xulifwa po. Osho otashi ka ningwa ngahelipi? Itai ka xulifwa po kovanhu, ndele otai ka xulifwa puArmageddon, “oita mefiku linene laKalunga Omunaenghono adishe.” (Ehololo 16:14, 16) Konima yoita oyo, Kalunga ota ka wanifila ovanhu eudaneko laye li na sha nokuhafela ombili fiyo alushe. — Epsalme 37:10, 11, 29.

Opo u lihonge shihapu kombinga yanghee oita yaKalunga tai ka xulifa po oita aishe, lesha oshitukulwa “Oita yaArmagedon oshike?”