Ovanhu vahapu ove udite owike — Osho Ombiibeli tai ti

She likolelela kolaporta oyo opo ya piti mounyuni,a omunhu umwe womovanhu vane oku udite owike, ile e niwe koudja.

• Chido Mpemba, ha longo mEhangano lOukalinawa mOunyuni Aushe li na sha nOulikumwe wOvanhu, okwa ti: “Okulitongola ko kovanhu vakweni otaku dulu okukuma keshe umwe, kashi na nee mbudi kutya oku na eedula ngapi, ile oha di peni.”

Mepingafano naasho tashi dulika vahapu hava diladila, owike, ile oudja ihau kumu ashike ovanhu ovo va kula, ile ve litongola ko kuvakwao, ndele otau dulu yo okuhanga novanyasha, ovo ve na oukolele, ovo va pondola naavo ve li meehombo. Okulitongola ko kovanhu nosho yo owike otaku dulu okukuma omunhu palutu nopamaliudo.

• Omundokotola Vivek Murthy wokoAmerica okwa ti: “Owike kau fi ashike omaliudo okukala u udite nai.” Okwa wedwa ko a ti: “Oupyakadi wokulitongola ko kovanhu owa faafana ashike naao womunhu ha shili omakaya, ousekeleta 15 mefiku.”

Osho Ombiibeli tai ti

Omushiti wetu ina hala tu likalele. Kalunga okwa hala ovanhu va hafele alushe oinima iwa nosho yo eendafano tali tungu.

• Efinamhango lopaMbiibeli: “Kalunga okwa ti: ‘Kashiwa omulumenhu a kale oye aeke.’” — Genesis 2:18.

Kalunga okwa hala tu kale nekwatafano lopofingo naye. Okwa udaneka kutya ota ka ehena kufye, ngeenge otwa ningi eenghendabala tu ehene popepi naye. — Jakob 4:8.

• Efinamhango lopaMbiibeli: “Ovo ve shii kutya ova pumbwa ewiliko laKalunga otava kala va hafa, osheshi Ouhamba womeulu owavo.” — Mateus 5:3.

Kalunga okwa hala tu mu longela pamwe novanhu vakwetu. Ngeenge hatu ningi ngaho, otashi tu kwafele tu kale twa hafa.

•  Efinamhango lopaMbiibeli: “Natu kaleni tu na ko nasha navakwetu nokuladipikafana, opo tu kale tu holafane nokulonga oilonga iwa; inatu efa po okwoongala pamwe, . . . ndele tu twaafaneni omukumo.” — Ovaheberi 10:24, 25.

Opo u mone ouyelele muhapu kutya omolwashike sha fimana okuhenuka okukala tu udite owike, ile oudja, lesha oshitukulwa “Loneliness in a World of Mass Connection.”