Vahapu mounyuni ove udite owike — Ongahelipi to dulu okuungaunga nowike?

• Odjo imwe yo-U.S. Surgeon General’s Advisory, 2023, i na sha nomakwatafano ovanhu, oya ti: “Hanga etata lovakulunhu moUnited States oli udite owike, unene tuu ovanyasha.”

• Mo 15 Novemba 2023: “Ehangano lOukalinawa mOunyuni ola shiivifa kutya ola tula po ongudu yovanhu i konakone nghee owike tau dulu okukuma oukolele womunhu, i ladipike ovanhu va yandje elitulemo kokupanga oukaume navakwao nokukonga eenghedi dihapu diwa dokukwafela ovo ve udite owike moilongo aishe, kutya nee oilongo oyo oya hepa.”

Ombiibeli otai yandje omayele taa longo e na sha nanghee hatu dulu okukala nekwatafano liwa navakwetu, olo tali tu kwafele tuha kale tu udite owike.

Omafinamhango Ombiibeli oo taa dulu okukwafela

Ninipika omalipyakidilo oo tae ku tongola ko kuvamwe. Osho osha kwatela mo okulongifa omakwatafano opaintaneta sha pitilila. Ponhele yaasho, konga eemhito u kale novanhu komudidi nokupanga oukaume nookaume vashili.

• Efinamhango lOmbiibeli: “Kaume oku na ohole alushe, nomumwaina ta dalwa, a kwafe moluhepo.” — Omayeletumbulo 17:17.

Konga eemhito u kwafele vamwe. Okulongela vamwe ouwa ihashi pameke ashike ekwatafano letu, ndele ohashi tu hafifa yo.

• Efinamhango lOmbiibeli: “Okuyandja ohaku eta ehafo shi dulife okupewa.” — Oilonga 20:35.

Alikana inda kowebsite yetu, opo u mone ekwafo mOmbiibeli li na sha nanghee to dulu okupanga oukaume muwa.