Kondjifa okukala u udite owike mokukwafela vamwe — Osho Ombiibeli tai ti

Ovanhu mounyuni ove udite owike nohava mono shidjuu okupanga oukaume navamwe. Ovashiivi nawa vamwe vouhaku ova popya kutya okukwafela vamwe oku li onghedi yokukondjifa omaliudo a tya ngaho.

• O-U.S. National Institutes of Health, oya ti: “Okukwafela ovo ve na omhumbwe ota ku dulu okuningifa onghalamwenyo yetu i kale i na eityo, notaku tu kwafele tu kondjife omaliudo okukala tu udite owike notuhe na ekwatafano navamwe.”

Ombiibeli oya yandja omayele taa longo e na sha nanghee hatu dulu okukwafela vamwe. Okutula moilonga osho tai ti otaku dulu oku tu kwafela tu kondjife omaliudo okukala tu udite owike.

Osho to dulu okuninga

Kala ho yandje nehalo liwa. Konga eemhito u kale efimbo navamwe unene tuu komudidi. Kala wa halelela okutukulilafana navamwe osho u na. Ngeenge owa ningi ngaho, otave ke ku pandula notashi ke mu kwafela mu pange oukaume.

• Efinamhango lOmbiibeli: “Kaleni hamu yandje opo ovanhu va kale have mu pe yo.” — Lukas 6:38.

Kwafela vamwe. Konga eenghedi u kwafele ovanhu, ovo ve li meenghalo didjuu. Oto dulu okuninga ngaho mokupwilikina kuvo nelitulemo, ile oku va pa ekwafo tali wapalele, olo tali pupaleke oudjuu wavo.

• Efinamhango lOmbiibeli: “Kaume kashili oha ulike ohole efimbo keshe . . . a kwafele pefimbo loudjuu.” — Omayeletumbulo 17:17.

Opo u mone ouyelele muhapu u na sha nanghee to dulu okukala nekwatafano liwa navamwe, lesha oshitukulwa “Family Life and Friendships.”