OSHITWA 17

Okupopya oinima i uditike

1 Ovakorinto 14:9

ENGONGO: Kwafela ovapwilikini va ude ko eityo letumwalaka olo to yandje.

Konakona moule oshipopiwa shoye. Kala u udite ko filufilu oshikundafanwa shoye opo u ka dule oku shi yelifa noitya yoye mwene noi li paunafangwa.
Omatumbulo oye naa kale a xupi nokulongifa omautumbulilo ile oitya ipu okuudiwa ko. Nonande omatumbulo male okwa tambulwa ko, popya oitwa oyo ya fimana to longifa omautumbulilo nosho yo omatumbulo maxupi.

Ino longifa ouyelele inau pumbiwa oo tashi dulika tau ka ngwangwaneka nokulolokifa ovapwilikini voye. Longifa oitya ipu ponhele yokulongifa oitya oyo ihai longifwa vali.
Yelifa omautumbulilo ile oitya oyo ihe shiivike. Henuka okulongifa omautumbulilo ile oitya oyo ihe shiivike kovapwilikini voye. Ngeenge owa longifa outumbulilo ile oitya ihe shiivike kovapwilikini voye, ile wa tumbula ovanhu vomOmbibeli, oilongifo yonale ile eenghedindjikilile donale, i yelifa.