Apeqquteqartarfik

◼ Ataatsimiinnernut suut nassartariaqarpavut?

Sapaatit akunneri tamaasa ataatsimiinnitsinni siunnersorneqarnermik qiimmassarneqarnermillu pisarpugut. (Jes. 48:17; Epr. 10:24, 25) Qanoq annertutigisumik pissarsiaqarnerput apeqqutaasarpoq qanoq piareersarluarsimatiginerput imaluunnit naamik.

Pitsaasuuvoq ilaqutariit ataasiakkaat tamarmik atuaqqissaarutiminnik nassarunik, allanillu ataatsimiinnermi atugassanik. Tamatumunnga ilanngullugit Biibili, erinarsuutit, atuagassiat atuaqqissaarutigineqartussaasut, allattaaviit aqerluusaq imaluunnit allat.

Teokratiimi atuarfimmi atorneqassapput atuarfimmi pilersaarut aammalu Håndbog for den teokratiske skole. Ilinniartup pisaata pingaarnertaanik eqqarsaatiginneqqissaarnissatsinnut atuarfimmilu aqutsisup siunnersulerpagu iluaqutigissagatsigu malinnaaffigilluarnissaanik. Siunnersuutigineqartut maluginiarutsigik uagut nammineq oqalugiaatitsinni imaluunnit oqaluussiartornermi saqqummiinissamut siumukassutigisinnaagatsigik. Januaarimiit oqalugiaammi siullermi atuagassat amerlanerit atuakkamit Jehovas Vidner — forkyndere af Guds rige-mit tunngaviginerullugu tinguneqartarput. Ilaqutariit tamarmik immikkut atuakkamik immaqa nassarnissaminnut pisinnaanngillat, ataatsimilli tamarmik malinnaavigisinnaasaminnik nassataqarsinnaapput.

Ataatsimiinnermi oqaluussineq pillugu pingaarnertut atortarpavut Naalagaaffimmut kiffartorneq-mi ilanngutassiat aammalu ’Ræsonnerebogi’. Ataatsimiinnermi atuagassiat innersuutigineqarsimasut nassarsigik, assersuutigalugu saqqummiussinermi atorneqartussat. Utoqqaanertat nassatarisariaqarpaat Organiseret til at fuldføre vor tjeneste.

Angajoqqaat ilungersuutiginnittariaqarput meeqqamik naalallutik issianissaat ataatsimiinnermullu malinnaanissaat. Namminneq pigisassaannik Napasuliaq Alapernaarsuiffimmik allanillu atuagassianik, suliluunnit atuarsinnaanngikkaluartut, qiimmassarneqarsinnaapput malinnaanissaannik. Meeqqat teokratiimi atuagassianut ataqqinninnerulerunik atortarunikkillu sivisuumik inuunerminni iluaqutissarsiffigissavaat anersaakkullu peqqinnartumik ileqqoqalissallutik.

Ilagiinni ataatsimiinnermi atugassatsinnik pilersorluarutta nuannaarneq naammagisimaarnerlu annerujussuarmik malugissavagut. (2 Tim. 3:17) Taamaaliornikkut ajunnginnerpaamik qulakkiissavarput ’[Guutip] peqqusaanik ilisarsisorsuanngornissarput tamanik ilisimalersilluta anersaallu piinik sianilerluta’. — Kul. 1:9 (kmD 95/5 Spørgsmålskassen)