បណ្ណាល័យអ៊ីនធឺណិតរបស់ប៉មយាម

ដើមកំណើត ៣៥:១៨, ១៩

គម្ពីរបរិសុទ្ធសេចក្ដីបកប្រែពិភពលោកថ្មី
- ១៨ ពេលនោះ រ៉ាជែលហៀបនឹងស្លាប់។ ប៉ុន្តែ មុននាងផុតដង្ហើម នាងបានដាក់ឈ្មោះកូននោះថាបេនអូណាយ* តែយ៉ាកុបបានដាក់ឈ្មោះកូននោះថាបេនយ៉ាមីន*វិញ។+ ១៩ ដូច្នេះ រ៉ាជែលបានស្លាប់ ហើយគេបញ្ចុះសពគាត់នៅតាមផ្លូវទៅក្រុងអេប្រា ជាក្រុងបេថ្លេហិម។+

ដើមកំណើត ៤២:៣៨

គម្ពីរបរិសុទ្ធសេចក្ដីបកប្រែពិភពលោកថ្មី
- ៣៨ ប៉ុន្តែ យ៉ាកុបនិយាយថា៖ «ពុកមិនឲ្យបេនយ៉ាមីនទៅជាមួយនឹងកូនទេ ព្រោះគាត់មានតែម្នាក់ឯង បងគាត់បានស្លាប់ចោលគាត់ហើយ។+ បើគាត់មានគ្រោះថ្នាក់ដល់ជីវិតនៅតាមផ្លូវ ពុកមុខជាកើតទុក្ខ+រហូតដល់ស្លាប់មិនខាន»។+

ដើមកំណើត ៤៤:២០

គម្ពីរបរិសុទ្ធសេចក្ដីបកប្រែពិភពលោកថ្មី
- ២០ ដូច្នេះ ពួកខ្ញុំបាទបានជម្រាបលោកម្ចាស់ដោយត្រង់ថា៖ ‹ពួកខ្ញុំបាទមានឪពុកចាស់ជរាម្នាក់ ថែមទាំងមានប្អូនប្រុសពៅម្នាក់ដែលបានកើតមកនៅពេលដែលឪពុកពួកខ្ញុំបាទមានអាយុចាស់ណាស់ហើយ។+ បងប្រុសរួមម្ដាយជាមួយនឹងគាត់បានស្លាប់ហើយ ដូច្នេះសល់តែគាត់ម្នាក់ប៉ុណ្ណោះ។+ ឪពុករបស់ពួកខ្ញុំបាទស្រឡាញ់គាត់ខ្លាំងណាស់›។