-
ដើមកំណើត ៤៩:២៩-៣៣គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៩ ក្រោយនោះ គាត់បានបង្គាប់ពួកគេថា៖ «ពេលពុកស្លាប់+ សូមបញ្ចុះសពរបស់ពុកជាមួយនឹងបុព្វបុរសពុក នៅរអាងភ្នំក្នុងដីចម្ការរបស់អេប្រុនជាជនជាតិហេត+ ៣០ គឺជារអាងភ្នំដែលនៅចម្ការម៉ាក់ពេឡាខាងមុខម៉ាមរេក្នុងស្រុកកាណាន ជាដីដែលអាប្រាហាំបានទិញពីអេប្រុនជាជនជាតិហេត ទុកជាទីបញ្ចុះសពរហូតតទៅ។ ៣១ នៅទីនោះគេបានបញ្ចុះសពអាប្រាហាំនិងសារ៉ាប្រពន្ធគាត់។+ ឯសពអ៊ីសាកនិងរេបិកាជាប្រពន្ធ ក៏ត្រូវបញ្ចុះនៅទីនោះដែរ។+ ក្រោយមក ពុកបានបញ្ចុះសពលេអានៅក្នុងរអាងភ្នំនោះ។ ៣២ ដីចម្ការនិងរអាងភ្នំនោះ បានត្រូវទិញពីកូនចៅហេត»។+
៣៣ យ៉ាងនោះ យ៉ាកុបបានផ្ដាំផ្ញើកូនៗរបស់គាត់។ រួចមក គាត់បានដាក់ជើងលើគ្រែ ហើយក៏ផុតដង្ហើមស្លាប់ទៅ។+
-
-
ដើមកំណើត ៥០:១៣, ១៤គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៣ កូនៗរបស់គាត់បានដង្ហែសពគាត់ទៅស្រុកកាណាន រួចបញ្ចុះនៅក្នុងរអាងភ្នំម៉ាក់ពេឡាដែលនៅខាងមុខម៉ាមរេ ជាដីដែលអាប្រាហាំបានទិញពីអេប្រុនជាជនជាតិហេត ទុកជាទីបញ្ចុះសពរហូតតទៅ។+ ១៤ ក្រោយពីបញ្ចុះសពឪពុករួច យ៉ូសែបនិងបងប្អូនគាត់ទាំងអស់ ព្រមទាំងពួកអ្នកដែលធ្វើដំណើរទៅជាមួយនឹងគាត់ បានត្រឡប់ទៅស្រុកអេហ្ស៊ីបវិញ។
-