បណ្ណាល័យអ៊ីនធឺណិតរបស់ប៉មយាម

ដើមកំណើត ១២:១-៣

គម្ពីរបរិសុទ្ធសេចក្ដីបកប្រែពិភពលោកថ្មី
- ១២ ព្រះយេហូវ៉ាបានមានប្រសាសន៍ទៅកាន់អាប់រ៉ាមថា៖ «ចូរចេញពីស្រុកអ្នក ពីញាតិសន្ដានរបស់អ្នក និងពីក្រុមគ្រួសារឪពុកអ្នក ហើយធ្វើដំណើរទៅស្រុកដែលខ្ញុំនឹងបង្ហាញដល់អ្នក។+ ២ ខ្ញុំនឹងធ្វើឲ្យអ្នកក្លាយទៅជាជាតិសាសន៍មួយដ៏ធំខ្លាំងក្លា។ ខ្ញុំនឹងឲ្យពរអ្នក ព្រមទាំងធ្វើឲ្យអ្នកមានឈ្មោះល្បីល្បាញ ហើយអ្នកឯទៀតនឹងទទួលពរតាមរយៈអ្នក។+ ៣ ខ្ញុំនឹងឲ្យពរដល់អ្នកណាដែលឲ្យពរដល់អ្នក ហើយខ្ញុំនឹងដាក់បណ្ដាសាដល់អ្នកណាដែលដាក់បណ្ដាសាដល់អ្នក។+ គ្រប់ក្រុមគ្រួសារនៅផែនដីនឹងទទួលពរតាមរយៈអ្នក»។+

សកម្មភាព ៣:២៥

គម្ពីរបរិសុទ្ធសេចក្ដីបកប្រែពិភពលោកថ្មី
- ២៥ អ្នករាល់គ្នាជាកូនចៅរបស់ពួកអ្នកប្រកាសទំនាយ និងជាអ្នកដែលទទួលមត៌កនៃកិច្ចព្រមព្រៀងដែលព្រះបានធ្វើជាមួយនឹងពួកបុព្វបុរសរបស់អ្នករាល់គ្នា+ ដូចលោកបានមានប្រសាសន៍ទៅអាប្រាហាំថា៖ ‹តាមរយៈពូជពង្សរបស់អ្នក គ្រប់ក្រុមគ្រួសារនៅផែនដីនឹងទទួលពរ›។+

កាឡាទី ៣:៨

គម្ពីរបរិសុទ្ធសេចក្ដីបកប្រែពិភពលោកថ្មី
- ៨ បទគម្ពីរបានចែងទុកតាំងពីយូរមកហើយថា ព្រះនឹងប្រកាសថាជនជាតិដទៃជាមនុស្សសុចរិតដោយសារជំនឿរបស់ពួកគេ ហើយបទគម្ពីរបានប្រកាសដំណឹងល្អដល់អាប្រាហាំជាមុនថា៖ «តាមរយៈអ្នក ប្រជាជាតិទាំងអស់នឹងទទួលពរ»។+