-
ការបំភ្លឺច្បាប់ ១៧:១៤, ១៥គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៤ «អ្នករាល់គ្នាហៀបចូលទៅចាប់យកទឹកដីនិងរស់នៅក្នុងស្រុកដែលព្រះយេហូវ៉ាជាព្រះនៃអ្នករាល់គ្នាប្រគល់ឲ្យហើយ បើអ្នករាល់គ្នានិយាយថា៖ ‹ចូរយើងតែងតាំងស្ដេចមួយរូប ឲ្យគ្រប់គ្រងលើយើងដូចប្រជាជាតិជុំវិញយើងដែរ›+ ១៥ នោះអ្នករាល់គ្នាត្រូវតែងតាំងបុគ្គលដែលព្រះយេហូវ៉ាជាព្រះនៃអ្នករាល់គ្នាជ្រើសរើសឲ្យធ្វើជាស្ដេច។+ អ្នករាល់គ្នាត្រូវតែងតាំងស្ដេចពីចំណោមជនរួមជាតិរបស់ខ្លួន មិនត្រូវតែងតាំងជនបរទេសឲ្យគ្រប់គ្រងលើអ្នករាល់គ្នាឡើយ។
-
-
សាំយូអែលទី១ ១០:១៩គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៩ ប៉ុន្តែ នៅថ្ងៃនេះអ្នករាល់គ្នាបដិសេធខ្ញុំ+ ជាព្រះដែលបានសង្គ្រោះអ្នករាល់គ្នាពីអន្តរាយ និងពីទុក្ខលំបាកទាំងអស់។ អ្នករាល់គ្នានិយាយថា៖ «សូមតែងតាំងស្ដេចម្នាក់ឲ្យគ្រប់គ្រងលើយើង»។ ឥឡូវ សូមឈរនៅចំពោះមុខព្រះយេហូវ៉ា តាមកុលសម្ព័ន្ធ និងតាមវង្សត្រកូលរៀងៗខ្លួន›»។*
-
-
ប្រវត្តិហេតុទី១ ១:៤៣-៥០គម្ពីរបរិសុទ្ធសេចក្ដីបកប្រែពិភពលោកថ្មី
-
-
៤៣ មុនពេលមានស្ដេចគ្រប់គ្រងលើស្រុកអ៊ីស្រាអែល មានស្ដេចមួយចំនួនគ្រប់គ្រងលើស្រុកអេដំ។+ ស្ដេចទាំងនោះមានដូចតទៅ៖+ បេឡាជាកូនបេអ័រគ្រប់គ្រងនៅក្រុងឌីនហាបា។ ៤៤ ក្រោយបេឡាស្លាប់ យ៉ូបាបជាកូនសេរ៉ាដែលមកពីក្រុងបូសរ៉ា+ បានគ្រប់គ្រងជំនួសគាត់។ ៤៥ ក្រោយយ៉ូបាបស្លាប់ ហ៊ូសាមដែលមកពីថេម៉ាន បានគ្រប់គ្រងជំនួសគាត់។ ៤៦ ក្រោយហ៊ូសាមស្លាប់ ហាដាតជាកូនបេដាត ដែលបានវាយឈ្នះពួកម៉ាឌាន ក្នុងទឹកដីម៉ូអាប់ បានគ្រប់គ្រងជំនួសគាត់។ ក្រុងរបស់គាត់ឈ្មោះអាវីត។ ៤៧ ក្រោយហាដាតស្លាប់ សាំឡាដែលមកពីម៉ាសរេកា បានគ្រប់គ្រងជំនួសគាត់។ ៤៨ ក្រោយសាំឡាស្លាប់ សេលដែលមកពីរេហូបូតដែលនៅតាមដងទន្លេ បានគ្រប់គ្រងជំនួសគាត់។ ៤៩ ក្រោយសេលស្លាប់ បាលហាណាន់ជាកូនអាកបូរ បានគ្រប់គ្រងជំនួសគាត់។ ៥០ ក្រោយបាលហាណាន់ស្លាប់ ហាដាតបានគ្រប់គ្រងជំនួសគាត់នៅក្រុងភេយូ។ ប្រពន្ធរបស់ហាដាតឈ្មោះមេហេថាបែល ជាកូនម៉ាទ្រេត ហើយត្រូវជាចៅមេសាហាប។
-