-
ដំណើរចាកចេញ ៦:១គម្ពីរបរិសុទ្ធសេចក្ដីបកប្រែពិភពលោកថ្មី
-
-
៦ ដូច្នេះ ព្រះយេហូវ៉ាបានមានប្រសាសន៍ទៅកាន់ម៉ូសេថា៖ «អ្នកនឹងឃើញអ្វីដែលខ្ញុំនឹងធ្វើដល់ផារ៉ូ។+ ខ្ញុំនឹងប្រើឫទ្ធានុភាពដ៏ខ្លាំងក្លារបស់ខ្ញុំដើម្បីបង្ខំគាត់ឲ្យដោះលែងរាស្ត្ររបស់ខ្ញុំ។ ក្រោយពីបានឃើញឫទ្ធានុភាពដ៏ខ្លាំងក្លារបស់ខ្ញុំហើយ គាត់នឹងបណ្ដេញរាស្ត្រខ្ញុំចេញពីស្រុកអេហ្ស៊ីបជាមិនខាន»។+
-
-
ដំណើរចាកចេញ ១០:៨-១១គម្ពីរបរិសុទ្ធសេចក្ដីបកប្រែពិភពលោកថ្មី
-
-
៨ ដូច្នេះ ផារ៉ូបានឲ្យគេទៅហៅម៉ូសេនិងអេរ៉ុនមក ហើយនិយាយទៅកាន់ពួកគាត់ថា៖ «ចូរទៅគោរពប្រណិប័តន៍ព្រះយេហូវ៉ាជាព្រះរបស់អ្នករាល់គ្នាទៅ។ ប៉ុន្តែ តើអ្នកនឹងនាំអ្នកណាខ្លះទៅជាមួយ?»។ ៩ ម៉ូសេបានឆ្លើយថា៖ «យើងនឹងទៅជាមួយនឹងជនរួមជាតិយើង គឺទាំងប្រុស ទាំងស្រី ទាំងក្មេង ទាំងចាស់ ព្រមទាំងហ្វូងចៀមហ្វូងគោទាំងអស់+ ព្រោះយើងនឹងធ្វើបុណ្យជូនព្រះយេហូវ៉ា»។+ ១០ ផារ៉ូបាននិយាយថា៖ «អ្នកឯងរាល់គ្នាច្បាស់ជាមានបំណងអាក្រក់ហើយ! បើខ្ញុំព្រមឲ្យអ្នករាល់គ្នានិងកូនចៅអ្នករាល់គ្នាចាកចេញទៅ បានន័យថាព្រះយេហូវ៉ានៅជាមួយនឹងអ្នកហើយ!+ ១១ ខ្ញុំមិនឲ្យទៅជាដាច់ខាត! មានតែពួកប្រុសៗប៉ុណ្ណោះទើបអាចទៅគោរពប្រណិប័តន៍ព្រះយេហូវ៉ាបាន ព្រោះអ្នកឯងរាល់គ្នាបានសុំដូច្នេះ»។ និយាយរួច ផារ៉ូក៏បណ្ដេញម៉ូសេនិងអេរ៉ុនចេញពីមុខគាត់ទៅ។
-
-
ចម្រៀងសរសើរព្រះ ១០៥:៣៨គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣៨ ពេលរាស្ត្ររបស់លោកចាកចេញទៅ ពួកអេហ្ស៊ីបក៏អរសប្បាយ
ព្រោះពួកគេខ្លាចជនជាតិអ៊ីស្រាអែលខ្លាំងណាស់។+
-