បណ្ណាល័យអ៊ីនធឺណិតរបស់ប៉មយាម

ដំណើរចាកចេញ ១៦:៣

គម្ពីរបរិសុទ្ធសេចក្ដីបកប្រែពិភពលោកថ្មី
- ៣ ពួកគេចេះតែរអ៊ូថា៖ «ស៊ូឲ្យព្រះយេហូវ៉ាប្រហារយើងនៅស្រុកអេហ្ស៊ីបវិញប្រសើរជាង ព្រោះយ៉ាងហោចណាស់ក៏យើងមានសាច់+និងនំប៉័ងបរិភោគឆ្អែតស្កប់ស្កល់ដែរ។ ប៉ុន្តែឥឡូវ អ្នកបែរជានាំយើងទាំងអស់គ្នា ឲ្យមកដាច់ពោះស្លាប់ក្នុងតំបន់ស្ងាត់ជ្រងំនេះទៅវិញ»។+

ដំណើរចាកចេញ ១៧:៣

គម្ពីរបរិសុទ្ធសេចក្ដីបកប្រែពិភពលោកថ្មី
- ៣ ប៉ុន្តែ ដោយសារបណ្ដាជនស្រេកទឹកជាខ្លាំង ពួកគេក៏បានរអ៊ូរទាំទាស់នឹងម៉ូសេថែមទៀត+ថា៖ «ហេតុអ្វីអ្នកនាំយើង និងកូនចៅយើង ព្រមទាំងហ្វូងសត្វយើងចេញពីស្រុកអេហ្ស៊ីប ឲ្យមកស្លាប់ដោយអត់ទឹកបែបនេះ?»។

ជំរឿនបណ្ដាជន ១៤:២-៤

គម្ពីរបរិសុទ្ធសេចក្ដីបកប្រែពិភពលោកថ្មី
- ២ បណ្ដាជនអ៊ីស្រាអែលទាំងអស់ចាប់ផ្ដើមរអ៊ូរទាំទាស់នឹងម៉ូសេនិងអេរ៉ុន+ ហើយពួកជំនុំទាំងមូលបាននិយាយប្រឆាំងនឹងពួកគាត់ថា៖ «ស៊ូឲ្យយើងស្លាប់នៅស្រុកអេហ្ស៊ីប ឬនៅតំបន់ស្ងាត់ជ្រងំនេះវិញ ប្រសើរជាង! ៣ ហេតុអ្វីព្រះយេហូវ៉ានាំយើងមកស្រុកនេះឲ្យស្លាប់ដោយដាវដូច្នេះ?+ ប្រពន្ធកូនយើងនឹងធ្លាក់ទៅក្នុងកណ្ដាប់ដៃគេជាមិនខាន។+ បើយើងត្រឡប់ទៅស្រុកអេហ្ស៊ីបវិញគឺប្រសើរជាង»។+ ៤ ពួកគេថែមទាំងនិយាយគ្នាថា៖ «ចូរយើងតែងតាំងមេដឹកនាំម្នាក់ ហើយត្រឡប់ទៅស្រុកអេហ្ស៊ីបវិញទៅ!»។+

ចម្រៀងសរសើរព្រះ ១០៦:៧

គម្ពីរបរិសុទ្ធសេចក្ដីបកប្រែពិភពលោកថ្មី
- ៧ ពេលបុព្វបុរសរបស់យើងនៅស្រុកអេហ្ស៊ីប ពួកគេមិនបានឲ្យតម្លៃចំពោះ*កិច្ចការដ៏អស្ចារ្យរបស់លោកទេ។
  
  ពួកគេមិនបាននឹកចាំអំពីសេចក្ដីស្រឡាញ់ដ៏ស្មោះត្រង់ជាបរិបូររបស់លោកឡើយ។
  
  ផ្ទុយទៅវិញ ពួកគេបានបះបោរប្រឆាំងនៅឯសមុទ្រក្រហម។+