បណ្ណាល័យអ៊ីនធឺណិតរបស់ប៉មយាម

ដំណើរចាកចេញ ១៨:២៥, ២៦

គម្ពីរបរិសុទ្ធសេចក្ដីបកប្រែពិភពលោកថ្មី
- ២៥ ដូច្នេះ ម៉ូសេបានជ្រើសរើសបុរសមួយចំនួនដែលមានសមត្ថភាពគ្រប់គ្រាន់ពីបណ្ដាជនអ៊ីស្រាអែល។ រួចមក គាត់បានតែងតាំងអ្នកខ្លះឲ្យធ្វើជាមេលើ១.០០០នាក់ អ្នកខ្លះធ្វើជាមេលើ១០០នាក់ អ្នកខ្លះធ្វើជាមេលើ៥០នាក់ និងអ្នកខ្លះធ្វើជាមេលើ១០នាក់។ ២៦ ម្ល៉ោះហើយ ពួកគេសម្រេចរឿងក្ដីតូចៗឲ្យបណ្ដាជន តែពេលមានរឿងក្ដីធំៗ ពួកគេបញ្ជូនមកឲ្យម៉ូសេសម្រេច។+

ការបំភ្លឺច្បាប់ ១៦:១៨

គម្ពីរបរិសុទ្ធសេចក្ដីបកប្រែពិភពលោកថ្មី
- ១៨ «ក្នុងបណ្ដាក្រុងដែលព្រះយេហូវ៉ាជាព្រះនៃអ្នករាល់គ្នាប្រគល់ឲ្យ អ្នករាល់គ្នាត្រូវតែងតាំងពួកអ្នកសម្រេចក្ដី+និងពួកអ្នកដឹកនាំសម្រាប់កុលសម្ព័ន្ធនីមួយៗ។ ពួកគេត្រូវវិនិច្ឆ័យក្ដីឲ្យបណ្ដាជនដោយយុត្តិធម៌។

ការបំភ្លឺច្បាប់ ១៧:៨

គម្ពីរបរិសុទ្ធសេចក្ដីបកប្រែពិភពលោកថ្មី
- ៨ «នៅក្នុងបណ្ដាក្រុងរបស់អ្នករាល់គ្នា បើមានរឿងក្ដីណាដែលពិបាកវិនិច្ឆ័យ ទោះជាទាក់ទងនឹងឃាតកម្ម+ ការប្ដឹងផ្ដល់ អំពើហិង្សា ឬទាក់ទងនឹងរឿងជម្លោះឯទៀតក្ដី អ្នករាល់គ្នាត្រូវនាំយករឿងនោះទៅកន្លែងដែលព្រះយេហូវ៉ាជាព្រះនៃអ្នករាល់គ្នាបានជ្រើសរើស។+