-
ច្បាប់លេវី ៥:១៥, ១៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៥ «បើអ្នកណាម្នាក់ប្រព្រឹត្តមិនស្មោះត្រង់ដោយមិនដឹងខ្លួន ចំពោះអ្វីដែលបានត្រូវញែកជាបរិសុទ្ធទុកជូនព្រះយេហូវ៉ា នោះគាត់បានធ្វើខុសហើយ។+ ដូច្នេះ គាត់ត្រូវយកចៀមឈ្មោលដ៏ល្អឥតខ្ចោះ ជូនព្រះយេហូវ៉ាជាគ្រឿងបូជាសម្រាប់អំពើរំលងរបស់គាត់។+ សត្វនោះត្រូវមានតម្លៃកំណត់ ជាប្រាក់ហ្សេគិល* ដែលគិតតាមទម្ងន់ហ្សេគិលប្រើនៅកន្លែងបរិសុទ្ធ។+ ១៦ មិនត្រឹមតែប៉ុណ្ណោះ គាត់ត្រូវបង់ថ្លៃដល់សង្ឃចំពោះអំពើខុសឆ្គងដែលគាត់បានធ្វើទាស់នឹងកន្លែងបរិសុទ្ធ ហើយថែម១ភាគ៥ពីលើតម្លៃនៃរបស់នោះ+ ដើម្បីឲ្យសង្ឃជម្រះភាពខុសឆ្គងឲ្យគាត់+ ដោយដុតចៀមឈ្មោលនោះជាគ្រឿងបូជាសម្រាប់អំពើរំលង ហើយគាត់នឹងទទួលការអភ័យទោស។+
-
-
ជំរឿនបណ្ដាជន ៥:៦, ៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
៦ «ចូរប្រាប់បណ្ដាជនអ៊ីស្រាអែលថា៖ ‹បើបុរសឬស្ត្រីណាធ្វើអំពើខុសឆ្គងអ្វីមួយ ហើយប្រព្រឹត្តមិនស្មោះត្រង់ចំពោះព្រះយេហូវ៉ា អ្នកនោះមានទោសហើយ។+ ៧ គាត់ត្រូវសារភាព+កំហុសរបស់ខ្លួន រួចសងគ្រប់ចំនួនដល់បុគ្គលដែលគាត់បានបំពានលើ ព្រមទាំងថែម១ភាគ៥ពីលើតម្លៃនៃអ្វីនោះទៀតផង។+
-