-
ដំណើរចាកចេញ ២៩:៣៨-៤១គម្ពីរបរិសុទ្ធសេចក្ដីបកប្រែពិភពលោកថ្មី
-
-
៣៨ «នៅលើទីបូជានោះ អ្នកត្រូវជូនជាប្រចាំដូចតទៅ៖ ចៀមឈ្មោលអាយុមួយខួបពីរក្បាលជារៀងរាល់ថ្ងៃ+ ៣៩ គឺចៀមមួយក្បាលនៅពេលព្រឹក និងចៀមមួយក្បាលទៀតនៅពេលល្ងាច។+ ៤០ ពេលជូនចៀមនៅពេលព្រឹក អ្នកត្រូវជូនម្សៅម៉ដ្ឋ១ភាគ១០អេហ្វា* លាយនឹងប្រេងអូលីវសុទ្ធ១ភាគ៤ហ៊ីន* ព្រមទាំងជូនគ្រឿងបូជាជាស្រា១ភាគ៤ហ៊ីន។ ៤១ ពេលជូនចៀមនៅពេលល្ងាច* អ្នកក៏ត្រូវជូនម្សៅនិងគ្រឿងបូជាជាស្រាដូចនៅពេលព្រឹកដែរ។ អ្នកត្រូវដុតរបស់ទាំងនេះទុកជាគ្រឿងបូជាដែលមានក្លិនឈ្ងុយជូនព្រះយេហូវ៉ា។
-
-
ជំរឿនបណ្ដាជន ២៨:៤-៦គម្ពីរបរិសុទ្ធសេចក្ដីបកប្រែពិភពលោកថ្មី
-
-
៤ ត្រូវជូនកូនចៀមឈ្មោលមួយក្បាលនៅពេលព្រឹក និងមួយក្បាលទៀតនៅពេលល្ងាច+ ៥ ជាមួយនឹងគ្រឿងបូជាពីស្រូវ ដែលជាម្សៅម៉ដ្ឋ១ភាគ១០អេហ្វា* លាយជាមួយប្រេងសម្រាំង១ភាគ៤ហ៊ីន។*+ ៦ នេះជាគ្រឿងបូជាដុតដែលត្រូវជូនជាប្រចាំ+ ដើម្បីឲ្យមានក្លិនឈ្ងុយជូនព្រះយេហូវ៉ា តាមការណែនាំដែលអ្នករាល់គ្នាបានទទួលនៅភ្នំស៊ីណាយ។
-