-
ជំរឿនបណ្ដាជន ២៨:២៦-៣១គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៦ «‹នៅថ្ងៃជូនគ្រឿងបូជាជាផលដំបូង+ អ្នករាល់គ្នាត្រូវយកស្រូវថ្មីមកជូនព្រះយេហូវ៉ា។+ អ្នករាល់គ្នាត្រូវជួបជុំគ្នាគោរពប្រណិប័តន៍ព្រះនៅថ្ងៃបុណ្យអាទិត្យទី៧+ ហើយមិនត្រូវធ្វើការនឿយហត់អ្វីឡើយ។+ ២៧ អ្នករាល់គ្នាត្រូវជូនគ្រឿងបូជាដុតទុកជាក្លិនឈ្ងុយដល់ព្រះយេហូវ៉ា* គឺគោស្ទាវ២ក្បាល ចៀមឈ្មោលមួយក្បាល និងកូនចៀមឈ្មោល៧ក្បាលអាយុមួយឆ្នាំ។+ ២៨ ពេលជូនគោស្ទាវនីមួយៗ ត្រូវជូនគ្រឿងបូជាពីស្រូវ គឺម្សៅម៉ដ្ឋ៣ភាគ១០រង្វាល់លាយជាមួយនឹងប្រេង។ ពេលជូនចៀមឈ្មោល ត្រូវជូនគ្រឿងបូជាពីស្រូវ គឺម្សៅម៉ដ្ឋ២ភាគ១០រង្វាល់លាយជាមួយនឹងប្រេង។ ២៩ ពេលជូនកូនចៀមឈ្មោលនីមួយៗទាំង៧ក្បាលនោះ ត្រូវជូនគ្រឿងបូជាពីស្រូវ គឺម្សៅម៉ដ្ឋ១ភាគ១០រង្វាល់លាយជាមួយនឹងប្រេង។ ៣០ បន្ថែមពីលើនោះ អ្នករាល់គ្នាក៏ត្រូវជូនពពែស្ទាវមួយក្បាលជាគ្រឿងបូជាសម្រាប់អំពើខុសឆ្គងផងដែរ ដើម្បីជម្រះភាពខុសឆ្គងរបស់អ្នករាល់គ្នា។+ ៣១ ដូច្នេះ អ្នករាល់គ្នាត្រូវជូនអ្វីទាំងនេះ បន្ថែមពីលើគ្រឿងបូជាដុត និងគ្រឿងបូជាពីស្រូវដែលត្រូវជូនជាប្រចាំ។ អ្នករាល់គ្នាត្រូវជូនសត្វដែលល្អឥតខ្ចោះ+ ជាមួយនឹងគ្រឿងបូជាជាស្រាផងដែរ។
-