៥ ក្រោយ​មក យេតរ៉ូ​បាន​នាំ​ប្រពន្ធ​ម៉ូសេ​និង​ចៅ​ទាំង​ពីរ​នាក់​ធ្វើ​ដំណើរ​ទៅ​ជួប​ម៉ូសេ​នៅ​ឯ​តំបន់​ស្ងាត់​ជ្រងំ។ នៅ​ទី​នោះ ម៉ូសេ​បាន​បោះ​ជំរំ​នៅ​ក្បែរ​ភ្នំ​នៃ​ព្រះ​ពិត។+

១៩ នៅ​ខែ​ទី៣ ក្រោយ​ពី​បណ្ដា​ជន​អ៊ីស្រាអែល​ចាក​ចេញ​ពី​ស្រុក​អេហ្ស៊ីប ពួក​គេ​បាន​ធ្វើ​ដំណើរ​ទៅ​ដល់​តំបន់​ស្ងាត់​ជ្រងំ​ស៊ីណាយ ២ គឺ​នៅ​ថ្ងៃ​ដូច​គ្នា​ដែល​ពួក​គេ​ចាក​ចេញ​ពី​រេផិឌីម។+ ពេល​ពួក​គេ​មក​ដល់​តំបន់​ស្ងាត់​ជ្រងំ​នោះ ពួក​គេ​បាន​បោះ​ជំរំ​នៅ​ទល់​មុខ​ភ្នំ​ស៊ីណាយ។+

១ នៅ​ថ្ងៃ​ទី​១ ខែ​ទី​២ ក្នុង​ឆ្នាំ​ទី​២ ក្រោយ​ពី​ជន​ជាតិ​អ៊ីស្រាអែល​ចេញ​ពី​ស្រុក​អេហ្ស៊ីប+ ព្រះ​យេហូវ៉ា​បាន​មាន​ប្រសាសន៍​ទៅ​កាន់​ម៉ូសេ​ក្នុង​ត្រសាល​ជំនុំ​នៅ​តំបន់​ស្ងាត់​ជ្រងំ​ស៊ីណាយ+ ដូច​ត​ទៅ​នេះ​ថា​៖

៤ ប៉ុន្តែ ណាដាប​និង​អាបាយហ៊ូ​បាន​ស្លាប់​នៅ​ចំពោះ​ព្រះ​យេហូវ៉ា ដោយ​សារ​ពួក​គេ​បាន​ជូន​ភ្លើង​ដល់​ព្រះ​យេហូវ៉ា ជា​ភ្លើង​ដែល​មិន​ស្រប​ច្បាប់+ ក្នុង​កាល​ដែល​ពួក​គេ​នៅ​តំបន់​ស្ងាត់​ជ្រងំ​ស៊ីណាយ។ ពេល​នោះ ពួក​គេ​គ្មាន​កូន​ទេ។ ឯ​អេលាសារ+និង​អ៊ីតតាម៉ា+វិញ ពួក​គេ​បន្ត​បម្រើ​ជា​សង្ឃ​ជា​មួយ​នឹង​អេរ៉ុន​ជា​ឪពុក។

៩ នៅ​ខែ​ទី​១ ក្នុង​ឆ្នាំ​ទី​២ ក្រោយ​ពី​ជន​ជាតិ​អ៊ីស្រាអែល​ចេញ​ពី​ស្រុក​អេហ្ស៊ីប ព្រះ​យេហូវ៉ា​បាន​មាន​ប្រសាសន៍​ទៅ​កាន់​ម៉ូសេ​នៅ​តំបន់​ស្ងាត់​ជ្រងំ​ស៊ីណាយ+ ដូច​ត​ទៅ​នេះ​ថា​៖