-
ជំរឿនបណ្ដាជន ១៣:២៣-២៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
២៣ ពេលពួកគេទៅដល់ជ្រលងអេសកូល+ ពួកគេបានកាត់ផ្លែទំពាំងបាយជូរមួយចង្កោម ហើយឲ្យគ្នាគេពីរនាក់ដាក់លើឈើ សែងយកមក។ ពួកគេក៏បេះផ្លែទទឹម និងផ្លែល្វាតូចយកមកជាមួយដែរ។+ ២៤ គេបានហៅកន្លែងនោះថាជ្រលងអេសកូល*+ ព្រោះជនជាតិអ៊ីស្រាអែលបានកាត់ចង្កោមទំពាំងបាយជូរនៅទីនោះ។
២៥ ក្រោយពីបានសង្កេតមើលស្រុកនោះអស់រយៈពេល៤០ថ្ងៃហើយ+ ពួកគេក៏ត្រឡប់មកវិញ។ ២៦ ពួកគេបានមកជួបម៉ូសេ អេរ៉ុន និងពួកជំនុំអ៊ីស្រាអែល នៅត្រង់កាដេស+ក្នុងតំបន់ស្ងាត់ជ្រងំប៉ារ៉ាន ដោយនាំយកផលផ្លែមកបង្ហាញដែរ។ បន្ទាប់មក ពួកគេរាយការណ៍អំពីអ្វីដែលពួកគេបានឃើញដល់ពួកជំនុំ។ ២៧ ពួកគេបានប្រាប់ម៉ូសេថា៖ «ពួកខ្ញុំបានចូលក្នុងស្រុកដែលលោកបានចាត់ឲ្យពួកខ្ញុំទៅ នៅទីនោះសម្បូរទឹកដោះនិងទឹកឃ្មុំពិតមែន។+ នេះនែ! ជាផលផ្លែនៅក្នុងស្រុកនោះ។+
-