៥ ពួក​ភីលីស្ទីន​ប្រមូល​គ្នា​ដើម្បី​ច្បាំង​នឹង​ជន​ជាតិ​អ៊ីស្រាអែល។ ពួក​គេ​មាន​រទេះ​ចម្បាំង​៣០.០០០ ទាហាន​សេះ​៦.០០០ និង​កង​ទ័ព​ច្រើន​សន្ធឹក​ដូច​គ្រាប់​ខ្សាច់​នៅ​ឆ្នេរ​សមុទ្រ។+ រួច​ពួក​គេ​ធ្វើ​ដំណើរ​ឡើង​ទៅ​បោះ​ទ័ព​នៅ​មីកម៉ាស់ ដែល​នៅ​ភាគ​ខាង​កើត​នៃ​ក្រុង​បេតអាវេន។+ ៦ ពេល​ដែល​ជន​ជាតិ​អ៊ីស្រាអែល​ឃើញ​ថា​ពួក​គេ​ស្ថិត​ក្នុង​គ្រោះ​ថ្នាក់ ពួក​គេ​ភ័យ​ស្លន់ស្លោ ហើយ​ទៅ​លាក់​ខ្លួន​នៅ​ក្នុង​រូង​ភ្នំ+ រណ្ដៅ ក្រហែង​ថ្ម បន្ទប់​ក្រោម​ដី* និង​អណ្ដូង​ស្ងួត។