-
សាំយូអែលទី១ ២:១២-១៧គម្ពីរបរិសុទ្ធសេចក្ដីបកប្រែពិភពលោកថ្មី
-
-
១២ ចំណែកកូនប្រុសៗរបស់អេលី ពួកគេជាមនុស្សទុច្ចរិត។+ ពួកគេគ្មានការគោរពចំពោះព្រះយេហូវ៉ាទេ។ ១៣ ស្ដីអំពីចំណែកដែលពួកសង្ឃមានសិទ្ធិទទួលពីបណ្ដាជន នេះជាអ្វីដែលកូនប្រុសៗអេលីបានធ្វើ+ គឺកាលណាមនុស្សណាម្នាក់មកជូនគ្រឿងបូជា ហើយឲ្យសាច់យកទៅស្ងោរ នោះអ្នកបម្រើម្នាក់របស់សង្ឃកាន់សមធំមួយមក។ ១៤ អ្នកបម្រើនោះយកសមទៅចាក់សាច់ក្នុងឆ្នាំងណាមួយ។ ពេលដែលអ្នកបម្រើដកសមមកវិញ សាច់ផ្នែកណាដែលជាប់នឹងសម សង្ឃទុកសម្រាប់ខ្លួនឯង។ នោះជាអ្វីដែលពួកគេធ្វើចំពោះជនជាតិអ៊ីស្រាអែលទាំងអស់ដែលមកជូនគ្រឿងបូជានៅក្រុងស៊ីឡូរ។ ១៥ មិនត្រឹមតែប៉ុណ្ណោះ មុនពេលគេដុតខ្លាញ់នៃគ្រឿងបូជា+ អ្នកបម្រើម្នាក់របស់សង្ឃបានទៅនិយាយនឹងអ្នកជូនថា៖ «ចូរឲ្យសាច់ទៅសង្ឃដើម្បីអាំង ព្រោះគាត់មិនទទួលសាច់ស្ងោរពីអ្នកទេ គឺទទួលតែសាច់ឆៅប៉ុណ្ណោះ»។ ១៦ ពេលដែលអ្នកនោះនិយាយថា៖ «ចាំឲ្យគេដុតខ្លាញ់ហើយសិន+ រួចសឹមយកតាមចិត្តចុះ»។ អ្នកបម្រើសង្ឃតបថា៖ «អត់ទេ! ឲ្យសាច់មកភ្លាម បើមិនឲ្យទេ ខ្ញុំនឹងចាប់យកទៅ!»។ ១៧ ដោយហេតុនេះ ពួកអ្នកបម្រើសង្ឃមានកំហុសកាន់តែធំចំពោះព្រះយេហូវ៉ា+ ដោយសារពួកគេមើលងាយគ្រឿងបូជារបស់ព្រះយេហូវ៉ា។
-