-
ប្រវត្តិហេតុទី២ ៧:១៩-២២គម្ពីរបរិសុទ្ធសេចក្ដីបកប្រែពិភពលោកថ្មី
-
-
១៩ ប៉ុន្តែ បើអ្នកឈប់ដើរតាមខ្ញុំ ហើយឈប់កាន់តាមច្បាប់និងបញ្ញត្តិដែលខ្ញុំបានឲ្យដល់អ្នក ហើយបែរទៅបម្រើព្រះឯទៀតនិងក្រាបគោរពដល់ព្រះទាំងនោះវិញ+ ២០ នោះខ្ញុំនឹងកាត់ប្រជាជាតិអ៊ីស្រាអែលចេញពីទឹកដីដែលខ្ញុំបានឲ្យដល់ពួកគេ+ ឯវិហារដែលខ្ញុំបានញែកជាបរិសុទ្ធសម្រាប់នាមខ្ញុំ នោះខ្ញុំក៏នឹងបោះបង់ចោលដែរ ហើយធ្វើឲ្យវិហារនោះរងការប្រមាថមើលងាយពីប្រជាជាតិទាំងឡាយ។+ ២១ វិហារនេះនឹងទៅជាគំនរបាក់បែក។ ឯមនុស្សគ្រប់រូបដែលដើរឆ្លងកាត់វិហារនោះនឹងស្រឡាំងកាំង ហើយនឹកហួសចិត្ត+ ទាំងពោលថា៖ ‹ហេតុដូចម្ដេចបានជាព្រះយេហូវ៉ាធ្វើដូច្នេះចំពោះស្រុកនិងវិហារនេះ?›។+ ២២ រួចមក អ្នកទាំងនោះនឹងនិយាយថា៖ ‹នេះមកពីពួកគេបានបោះបង់ចោលព្រះយេហូវ៉ា+ជាព្រះរបស់ពួកគេ ជាព្រះដែលបាននាំបុព្វបុរសរបស់ពួកគេចេញពីស្រុកអេហ្ស៊ីបមក+ តែពួកគេបែរទៅរកព្រះឯទៀត ព្រមទាំងក្រាបគោរពនិងបម្រើព្រះទាំងនោះវិញ។+ ហេតុនេះហើយបានជាលោកនាំឲ្យពួកគេមានអន្តរាយយ៉ាងនេះ›»។+
-